11.7 C
Pontevedra
Mércores, 21 de Abril de 2021
Más
    HomeO CondadoPonteareasO goberno local de Ponteareas leva a pleno a normativa para regular...

    O goberno local de Ponteareas leva a pleno a normativa para regular o teletraballo no concello

    O texto abordouse o 26 de febreiro cos sindicatos na Mesa Xeral de Negociación

    O concelleiro de Recursos Humanos e Innovación Tecnolóxica, Benito Márquez, elevará ao pleno o próximo martes, 30 de marzo, o Regulamento para o Fomento do Teletraballo no concello de Ponteareas. O concelleiro indicou que, a grandes rasgos, o Regulamento “establece que poden solicitar acollerse a esta modalidade de traballo os empregados municipais que ocupen postos que non requiran de prestación de servizos presenciais. Actualmente, e debido á situación de pandemia, xa están teletraballando ao redor de 42 traballadores municipais, e durante ese tempo demostrouse que é un instrumento eficaz e válido, sempre que se utilice con responsabilidade e profesionalidade, sendo moi ben acollido polo persoal municipal e co que, ademais, se favorece a conciliación da vida persoal e laboral”.

    Márquez informou que “o Regulamento abordouse o 26 de febreiro en Mesa Xeral de Negociación cos sindicatos, que realizaron as súas aportacións, incluíndose estas no documento que vai a pleno. O Regulamento foi aprobado definitivamente polos sindicatos maioritarios, UGT e CCOO, absténdose na votación o CSIF e a CIG, o luns 23 de marzo”. Trala súa aprobación inicial polo pleno e a súa publicación no Boletín Oficial da Provincia (BOPPO), abrirase un prazo de 30 días hábiles para a presentación de reclamacións ou suxestións que serán estudiadas para a súa posible incorporación ao documento final. Posteriormente o Regulamento, de haber reclamacións, volverá ao pleno para a súa aprobación definitiva.

    O tempo máximo da xornada en cómputo semanal que unha persoa poderá solicitar o teletraballo é do 60% (tres de cada cinco días). Aqueles traballadores que teñan persoas dependentes ao seu cargo ou con fillos menores de 14 anos poderán solicitar o 80% (catro de cada cinco días) da xornada laboral en teletraballo, sempre que as necesidades do servizo o permitan. A prestación do servizo garantirá, en todo caso, un mínimo de presencialidade co fin de favorecer o vínculo das/os empregadas/os públicas/os coa organización e o traballo en equipo. Non obstante, de forma suficientemente motivada poderase incrementar a porcentaxe de horas en modalidade de teletraballo.

    O concelleiro de Recursos Humanos incidiu, asemade, en que “con esta regulación do teletraballo facilitamos que o concello siga funcionando en situacións de emerxencia, como as actuais, preservando a saúdo dos traballadores municipais ante unha situación de alerta sanitaria como a actual; do mesmo xeito, con esta normativa avanzamos no noso obxectivo de modernizar a administración pública e facela máis áxil de cara ao cidadán”.

    Tortilla mexicana de interior gallego, o cómo aprovechar sobras de una laconada o un cocido (y sin gluten)

    Seguro que conocéis el famoso anuncio de una crema de chocolate en el que se cantaban los ingredientes: leche, cacao, avellanas y azúcar... ¡Na na na! Pues yo os propongo cantar también los ingredientes de nuestra sencillísima receta de hoy y, además, en vez de contaros cómo hacerla, os envío un vídeo rapidísimo en el que queda muy claro el proceso.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS