14 C
Pontevedra
Luns, 23 de Maio de 2022
Máis
    HomeO CondadoPonteareasO Concello presenta ao proxecto de mellora viaria da N-120 un total...

    O Concello presenta ao proxecto de mellora viaria da N-120 un total de 16 alegacións consensuadas coa veciñanza

    O Concello de Ponteareas presentou este mércores un total de 16 alegacións ao proxecto de trazado da mellora de seguridade viaria na N-120 presentado polo Ministerio de Transportes, Mobilidade e Axenda Urbana, todas elas consensuadas coa veciñanza tras un mes de xuntanzas e encontros cos grupos políticos, con colectivos e cos propios veciños e veciñas das parroquias directamente afectadas polo proxecto do goberno do Estado para un treito de cinco quilómetros que atravesa Areas, Arnoso e Xinzo. “Traballamos todos xuntos e xuntas para mellorar este trazado, dar a solución axeitada a un problema histórico da vila e que Ponteareas conte por fin coas infraestruturas que lle corresponden”, salienta a alcaldesa, Cristina Fernández Davila.

    Para conseguilo, tras unha primeira análise do proxecto, membros do Goberno municipal do BNG-PSOE mantiveron xuntanzas coa veciñanza destas tres parroquias afectadas, así como cos de Ribadetea e Padróns, cuxa estrada de acceso e saída principal se ve afectada no proxecto. “Quixemos abordar con todas e todos os afectados cuestións de interese xeral que detectamos e, ao mesmo tempo, recoller todas as súas suxestións para analizalas e incluílas no documento de alegacións en caso de que fora preciso”, explica a rexedora.

    Con toda a información recollida, o Concello elaborou un documento de alegacións no que se recollen modificacións en aspectos como os accesos ás parroquias, a seguridade peonil, as marquesiñas de autobús ou as previsións de infraestruturas do Plan Xeral de Ordenación Municipal de Ponteareas. Así, solicítase ao Ministerio que o proxecto teña o seu inicio na Rotonda dos Alfombristas para favorecer a correcta comunicación das parroquias de Areas, Arnoso e Xinzo co centro urbano; que se inclúan pasarelas peonís  ao longo do ponte sobre o Tea “para non deixar illados aos veciños e veciñas dunha e doutra beira e dar continuidade á actuación global”; ou a creación de sendas peonís a ambas marxes da N-120, a creación de novos pasos de peóns solicitada pola veciñanza e a incorporación de varios tramos de beirarrúas “para mellorar a seguridade viaria para os usuarios e usuarias” en diferentes tramos.

    Nas alegacións o Concello tamén solicita que se incorporen as rotondas na Lomba e na zona de talleres Pino na saída de Ribadetea que se recollen no PXOM recentemente aprobado, así como a creación dunha nova entre a zona das naves industriais de Covelo e Hiperxel e o desprazamento da rotonda de entrada a Arnoso proposta pola veciñanza. Por outro lado, as alegacións tamén contemplan que se reforme a saída da antiga N-120 en Confurco para mellorar a seguridade viaria na zona; que se manteñan as conexións das vías municipais existentes, suprimindo todos os cortes e balizas propostas no proxecto; e que se manteñan as paradas de autobús existente e que se incorpore unha nova que substitúa á suprimida pola creación da rotonda de Xinzo, segundo os planos do documento.

    Ademais, o Goberno municipal adheriuse á proposta veciñal de executar axeitadamente as ‘trompetas’ de entrada e saída en ata seis puntos de conexión coa N-120 dende os vieiros municipais, así como que se teñan ten conta as redes de abastecemento existentes ao longo do trazado, públicas e privadas, para que se poidan desenvolver por fóra da plataforma resultante e facilitar o seu acceso para o seu correcto mantemento e reparación.

    Neste traballo de revisión conxunta do documento para presentar as alegacións oportunas, o Concello tamén puxo a disposición de veciñas e veciños o persoal da área urbanística para asesoralos na realización de alegacións individuais ao proxecto.

    Tras a presentación das alegacións, o Concello continuará co seu seguimento exhaustivo de todo o proceso para garantir que se avance con axilidade e que as melloras na seguridade viaria da N-120 sexan unha realidade na maior brevidade de tempo posible, “executando as distintas fases do procedemento sen dilacións e sen retrasos”.

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS