13 C
Pontevedra
Domingo, 27 de Novembro de 2022
Máis
    HomeO CondadoPonteareasO Concello de Ponteareas únese a UNICEF no Día Mundial da Infancia

    O Concello de Ponteareas únese a UNICEF no Día Mundial da Infancia

    O Concello de Ponteareas aprobou este martes por unanimidade en pleno sumarse á UNICEF Comité Galicia na celebración o vindeiro 20 de novembro o Día Mundial da Infancia, que este ano se celebra baixo o lema ‘Dereitos e emocións’. Deste xeito o Concello comprométese coa promoción dunha maior e máis eficiente investimento na infancia, garantindo que se asignan os recursos necesarios para afrontar todos os retos relacionados cos dereitos da infancia: a saúde mental, a educación, a protección ante todo tipo de violencia e o dereito a vivir nun medio ambiente san.

    Ao abeiro destas iniciativas, o Concello de Ponteareas impulsará mecanismos integrais de prevención en materia de saúde mental na infancia e na adolescencia destinados a mellorar o benestar emocional de nenos, nenas e adolescentes e promovendo hábitos de vida saudábeis. Un eido moi relevante xa que 1 de cada 10 adolescentes de entre 10 e 19 anos teñen diagnosticado un problema de saúde mental e, segundo datos da Enquisa Nacional de Saúde de 2017, o 13, 2% dos nenos e nenas de 4 a 14 anos presenta risco de sufrir algún tipo de problema de saúde mental.

    Ponteareas tamén continuará impulsando políticas de reforzo educativo que garantan o acceso equitativo e efectivo a unha educación de calidade a través de bolsas e programas de apoio, especialmente para nenos e nenas nas súas primeiras etapas educativas ou en situación de vulnerabilidade. Unha medida fundamental coa que se busca tamén combater ese 31,7% de nenos e nenas galegas que viven en risco de pobreza e exclusión social.

    O Goberno local seguirá traballando ademais en mecanismos para facer de Ponteareas unha contorna protectora para que todos os servizos dirixidos á infancia garantan a protección de nenos, nenas e adolescentes ante situacións de violencia e levaranse a cabo actuacións que promovan unha transformación urbana con enfoque de infancia para mellorar a calidade ambiental da vila e dos espazos sociais, asegurando que todos os nenos e nenas gocen dun medio ambiente limpo e saudábel. Todos estes compromisos van acompañados de ter en conta as propias voces, necesidades e prioridades de cada neno, nena e adolescente nas decisións que lles afectan, como xa ocorre co actual Consello da Infancia e da Adolescencia de Ponteareas, cada día máis activo e implicado.

    Por outra banda, o pleno aprobou por unanimidade unha emenda aos orzamentos xerais do Estado para o ano 2023 para incluír unha partida específica destinada ao proxecto de mellora da seguridade viaria da N-120 e prever as plurianualidades dos investimentos para a variante de Ponteareas.

    O Ministerio de Transportes, Mobilidade e Axenda Urbana someteu a información pública o proxecto e, tras concluír o período de alegacións atópase xa na fase de análise e informe para a súa posterior licitación. Por este motivo resulta imprescindíbel contar cunha partida que soporte estas actuacións durante o vindeiro ano.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS