12 C
Pontevedra
Venres, 29 de Marzo de 2024
Máis
    HomeO CondadoPonteareasO Concello de Ponteareas convoca a IV edición do Concurso de Poemas...

    O Concello de Ponteareas convoca a IV edición do Concurso de Poemas Ilustrados para Rosalía de Castro

    Poderá participar o alumnado de 5º e 6º de primaria dos centros de ensino do municipio

    O Concello de Ponteareas convoca a IV edición do Concurso de Poemas Ilustrados para Rosalía de Castro dirixido ao alumnado de 5º e 6º de primaria dos centros de ensino do municipio. Con este premio, a concellaría de Cultura que dirixe Fernando Groba “quere potenciar a creatividade e o coñecemento da obra da poeta entre os pequenos e pequenas do concello”.

    Os rapaces e rapazas que queiran participar deberán ilustrar poemas de Rosalía de Castro coas técnicas de debuxo que prefiran: collage, acuarela ou similares. Presentarán o resultado final nunha cartolina de tamaño A4 que deberá ir acompañada dun sobre facilitado polo Departamento de Cultura. Dentro deste, inclúese unha ficha na que se fará constar o nome e apelidos da alumna ou alumno, título da obra, nome e apelido do/da pai/ nai/ titor/a legal e teléfono de contacto. Os traballo serán asinados cun pseudónimo.

    O persoal do Departamento de Cultura ou da Biblioteca Municipal recollerá as obras nos centros de ensino o vindeiro luns 21 de febreiro. 

    Os debuxos que acaden os catro primeiros premios ocuparán as páxinas principais do calendario escolar que cada ano edita o Concello de Ponteareas. Ademais, cada mes ira acompañado do debuxo dun ou dunha alumna “para dar visibilidade ao esforzo e arte dos nenos e nenas do noso concello”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.