11.5 C
Pontevedra
Mércores, 14 de Abril de 2021
More
    HomeO CondadoPonteareasO Concello conclúe as obras de rehabilitación da Casa Cultural de Arnoso

    O Concello conclúe as obras de rehabilitación da Casa Cultural de Arnoso

    A reforma consistiu na mellora da eficiencia enerxética e da accesibilidade e na modificación da distribución interior do edificio

    A alcaldesa en funcións de Ponteareas, Cristina Fdez. Davila, vén de facer entrega das chaves da Casa Cultural de Arnoso á asociación veciñal encargada da súa xestión, unha vez concluídas as obras de rehabilitación e mellora do edificio nas que o goberno local investiu máis de 100.000 euros dos fondos que lle corresponden a Ponteareas a través do Plan Concellos.

    Davila sinalou que “con este investimento logramos a impermeabilización do edificio, solucionando os problemas de filtracións de auga ao interior tras realizar o illamento térmico e colocar un sistema de recollida de augas perimetrais. Así mesmo, substituíuse a carpintería exterior para completar a mellora na eficiencia enerxética”.

    A alcaldesa nacionalista explicou que, ademais, “a modificación da distribución interior do edificio permite distintos usos para esta instalación cun mellor aproveitamento do espazo”.

    A superficie de entrada pechouse para acoller un vestíbulo interior calefactado que servirá tamén de sala de reunións, contando cunha porta que permite illala do resto da estrutura. O almacén converteuse nun baño adaptado ao que se pode acceder dende calquera sala do interior ou directamente dende o exterior, e o bar conta con armarios como zona de almacenaxe organizada.

    Rehabilitación da Casa Cultural de Arnoso

    Co obxectivo de acadar a accesibilidade universal do edificio, interviuse tamén nos seu accesos exteriores, construíndo unha nova rampla e modificando as escaleiras existentes. O edificio conta agora con dúas entradas independentes.

    A alcaldesa en funcións lembrou que, ademais, “o Concello adquiriu a única finca sen edificar situada xunto á Casa Cultural actual, co obxectivo de ampliar as instalacións para que o edificio poida contar no futuro cun salón de actos”. 

    Cristina Fdez. Davila manifestou que se trata dunhas actuacións “que responden á demanda das veciñas e veciños de Arnoso, e que continúan a liña de compromiso e colaboración do goberno local coas parroquias ponteareás e as súas Casas Culturais, iniciada no 2015”.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS
    Avatar
    1 POSTS0 COMMENTS