8.9 C
Pontevedra
Venres, 29 de Marzo de 2024
Máis
    HomeO CondadoPonteareasO BNG celebra en Ponteareas os seus 40 anos na comarca

    O BNG celebra en Ponteareas os seus 40 anos na comarca

    O acto público terá lugar no auditorio municipal de Ponteareas este sábado ás 20:30 h.

    O BNG do Condado-Paradanta baixo o lema 40 anos ao servizo de Galiza, celebra os 40 anos da súa fundación cun acto público, convidando a participar a toda a veciñanza da comarca e que terá lugar este sábado 19 de novembro ás 20:30 h, no auditorio municipal de Ponteareas.

    Neste acto –no que se vai contar coas intervencións da alcaldesa de Ponteareas, Cristina Fernández e de Lucía Veciño, membro da Fundación Galiza Sempre–, proxectarase un vídeo documental elaborado cos testemuños da militancia da comarca e que relata como xerminou o BNG no Condado-Paradanta. 

    Terá lugar tamén neste acto, a presentación do libro do 40 aniversario do BNG, e unha pequena actuación musical a cargo do grupo Voces de Arrieiro.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.