14.3 C
Pontevedra
Martes, 25 de Xaneiro de 2022
Máis
    HomeO CondadoPonteareasO alumnado de 'La Inmaculada' de Ponteareas debuxa o seu agradecemento ao...

    O alumnado de ‘La Inmaculada’ de Ponteareas debuxa o seu agradecemento ao persoal dos servizos básicos

    O CPR Plurilingüe ‘La Inmaculada’ de Ponteareas e baixo o título ‘O noso vector de ilusión’ puxo en marcha unha fermosísima iniciativa: facer chegar o agradecemento a todos e todas os que, diariamente, expoñen a súa saúde saíndo a rúa para que á cidadanía non lle falten os servizos básicos. Trátase dunha iniciativa explicada nunha carta do propio colexio que nos, pola súa fermosura, o seu significado e mensaxe que transmite, transcribimos na súa integridade:

    O noso VECTOR DE ILUSIÓN

    Dende o CPR Plurilingüe “La Inmaculada” de Ponteareas quixemos contribuír á saída desta crise sanitaria, impulsando unha vez máis na nosa comunidade educativa os valores que día a día transmitimos nas aulas. A empatía, a solidariedade e o respecto puxéronse de manifesto de inmediato cando decidimos poñer en marcha este proxecto ao que chamamos ESTAMOS XUNTOS NISTO.

    A idea era facer chegar unha mensaxe de gratitude a todos aqueles que cada día poñen a súa vida en risco, para garantir o bo funcionamento dos servizos máis esenciais da nosa sociedade, e de alento aos nosos maiores, desgraciadamente situados en primeira liña do tráxico paso que deixa este virus.

    Para iso, botamos man do noso ben máis prezado, os alumnos e alumnas do Centro, hoxe inxustamente chamados vector de contaxio, que baleiraron as nosas aulas, silenciaron os nosos parques e viron a súa alegría cruelmente embotellada nos fogares que os manteñen confinados.

    A implicación de todos eles foi inmediata e, dando renda solta á súa imaxinación, crearon cartas, debuxos, poemas, contos… e impregnaron en cada trazo a tenrura, a inocencia e a ilusión que atesoura a nenez e que nos arrebatou o coronavirus.

    E toda esta manifestación de amor contida nos centos de traballos realizados foi entregada, polo persoal do concello, aos principais protagonistas na loita contra o COVID19 no noso pobo (Persoal Sanitario, Policía Local, Garda Civil, Bombeiros, Protección Civil, Persoal de Tendas de alimentación, Persoal de limpeza, Farmacéuticos…), así como aos usuarios da Residencia de Maiores Santa Ana, que representan ao grupo de poboación máis vulnerable nesta pandemia, símbolo dunha vida de traballo e sacrificio, e que reciben un novo golpe inesperado, esta vez privados da calor dos seus seres máis queridos.

    Aquilo que comezou como un proxecto educativo, rematou sendo unha vía de escape aos nosos desexos, esperanzas, soños, inseguridades, medos e frustracións, facendo que nos sintamos enormemente satisfeitos pola felicidade coa que os destinatarios acolleron as mensaxes dos nosos alumnos e alumnas, demostrando sentirse moi arroupados e agradecidos.

    E este sentimento facémolo extensivo a todos os cidadáns de Ponteareas e do resto de poboacións para que sigamos unidos, esperando nas nosas casas ata que nos permitan recobrar a nosa ansiada liberdade.

    E que outra cousa poderían contaxiar os nosos pequenos, se non esperanza?

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS