9.6 C
Pontevedra
Xoves, 28 de Marzo de 2024
Máis
    HomeO CondadoPonteareasManifestación do Día Internacional da Clase Traballadora en Ponteareas

    Manifestación do Día Internacional da Clase Traballadora en Ponteareas

    Distintos colectivos, sindicatos e partidos políticos de Ponteareas, organizados na Plataforma 1º de Maio, convocaron unha manifestación para o 1 de maio, co fin de reivindicar o Día Internacional da Clase Traballadora. A manifestación sairá ás 19:00 dende o Concello de Ponteareas e percorrerá diversas rúas da vila.

    A Plataforma 1º de Maio anima a toda a veciñanza e colectivos de Ponteareas e da comarca a participar nunha xornada de loita histórica, “é necesario que saíamos ás rúas para reclamar os nosos dereitos e amosar o noso rexeitamento as agresións do capital”, sinalan.

    “Consideramos a mobilización como a ferramenta imprescindible de cara a acadar unhas condicións de vida dignas para o conxunto da sociedade”, explica a Plataforma que estima que se debe antepoñer “o poder do pobo, xerador de riqueza mediante o seu traballo, ao dos mercados, de cara a construír una verdadeira democracia”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.