23.8 C
Pontevedra
Domingo, 2 de Outubro de 2022
Máis
    HomeO CondadoPonteareasGrande éxito de participación nos concursos ecuestre e canino da XIV Feira...

    Grande éxito de participación nos concursos ecuestre e canino da XIV Feira Tradicional dos Remedios

    A Feira Tradicional dos Remedios celebrou a pasada fin de semana a súa décimo cuarta edición recuperando a mostra de gando na Feira Vella e poñendo en valor as especies animais autóctonas. Durante toda a xornada as e os visitantes puideron gozar coa presenza de exemplares de vaca rubia galega e de vaca cachena, de galiña piñeira e galiña de Mos ou de porco celta, entre outros. Unha mostra que se completou coa celebración dos primeiros concursos morfolóxicos ecuestre e canino que acolleron unha gran presenza de público e participantes.

    No concurso oficial de eguas de Pura Raza Galega a gañadora foi Fonteíña II, de Carlota Fontenla, da Estrada, que quedou en primeira posición por diante de Pichi, de Alfonso Vázquez de Teixeiro, e de Mora, de Nohara Alejandra Puso, de Tomiño. Na categoría de sementais Alfonso Vázquez volveu repetir podio co seu primeiro posto para Comanche e terceiro para Campero de Esteiro, mentres que o segundo clasificado foi Chocolate FR, de Brais Laya, da Estrada.

    Emocionante tamén o concurso morfolóxico de cans de palleiro, no que as e os exemplares participantes disputábanse un oco nalgunha das catro categorías establecidas, así como o título de Can do Día, que foi para Narco de Laracha, de Francisco Ponte, que repetiría como gañador masculino e absoluto na clase aberta, de exemplares de máis de 18 anos e confirmados como aptos para a reprodución. A raíña da categoría feminina nesta clase foi Aine, de Sergio A. García.

    Na clase Moi cachorros (de 3 a 6 meses) Ceo, de Mercedes Lago, quedou en primeira posición na categoría masculina e absoluta, mentres que Xesta, de Iria Grandal foi a primeira clasificada feminina. E Lor de Aveal, de Joaquín Fernández facíase co título de mellor macho e absoluto na clase Xóvenes (de 9 a 18 meses), na que Xesta da Pardiñeira, de Mª Mercedes Seoane quedaba como primeira da categoría feminina.

    O concelleiro de Eventos, Miguel Bouzó, salientou que estas iniciativas “serven para achegar o noso gran de area na recuperación e posta en valor das nosas especies autóctonas, algunhas delas unhas grandes descoñecidas para a xente”.

    O edil agradeceu á Asociación de Criadores do Cabalo de Pura Raza Galega, ao Club Can de Palleiro e a todas e todos os participantes o seu esforzo e implicación, así como ao público a súa asistencia e o seu interese.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS