10.2 C
Pontevedra
Venres, 29 de Marzo de 2024
Máis
    HomeO CondadoPonteareasGrande acollida dos composteiros individuais repartidos entre a veciñanza da parroquia de...

    Grande acollida dos composteiros individuais repartidos entre a veciñanza da parroquia de Fontenla

    Grande acollida por parte da veciñanza de Fontela dos novos composteiros individuais repartidos nesta parroquia polo Concello, que aposta polo incremento do compostaxe en Ponteareas como ferramenta para mellorar a xestión de residuos e eliminar a materia orgánica que remata no colector verde. Tras un encontro informativo na casa cultural, a Concellaría de Medio Ambiente repartiu unha nova remesa de COINs entre todas as persoas asistentes e algunhas das inscritas na lista de agarda. 

    O obxectivo desta iniciativa é poñer en marcha unha nova experiencia de compostaxe individual na vila, como a que xa se levara a cabo en Arcos, “para reducir a xeración de residuos dos nosos fogares, camiñando así cara a unha xestión sostíbel do lixo, reducindo o impacto económico do seu transporte e da súa eliminación e, ao mesmo tempo, obtendo un abono natural de excelente calidade para empregar nas hortas”, salienta a concelleira de Medio Ambiente, Rosa Covelo.

    A posta en marcha destas iniciativas de forma estruturada por parroquias permitirá ao Concello facer un seguimento de canto se reducen os biorresiduos nos colectores verdes “traballando con datos reais para analizar o impacto que ten este novo modelo de xestión do lixo nas distintas zonas da nosa vila”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.