19 C
Pontevedra
Luns, 15 de Xullo de 2024
Máis
    HomeO CondadoPonteareasDelfín Domínguez percorre con Carmela Silva o Camiño Escolar Seguro de Ponteareas

    Delfín Domínguez percorre con Carmela Silva o Camiño Escolar Seguro de Ponteareas

    “Camiñar por este itinerario, que o PP tratou de bloquear na Deputación, é un acto de reivindicación da Ponteareas que queremos”

    O candidato socialista á Alcaldía de Ponteareas, Delfín Domínguez, amosouse orgulloso do apoio que as Administracións presididas polo Partido Socialista están prestando a Ponteareas. Nunha visita ao Camiño Escolar Seguro ao colexio Ramiro Sabell, no que a Deputación investiu case un millón de euros, destacou a mellora nos servizos, equipamentos e dotacións municipais realizados ao longo do último mandato e a necesidade de apostar polo proxecto do PSdeG-PSOE para acelerar o ritmo nos próximos catro anos e a partir do próximo 28M.

    Delfín Domínguez afirmou que “camiñar por este itinerario peonil, de 1,1 Km, que o PP tratou de bloquear votando en contra da modificación do proxecto no Pleno da Deputación, é un acto de reivindicación da Ponteareas que queremos, e a mellor demostración de quen aposta polo noso concello”. Unha obra “que dá servizo non só ao colexio, senón tamén ao aos IES Val do Tea Pedra da Auga e do Barral, ademais de a toda a veciñanza de Ponteareas”. O candidato socialista lembrou que a Deputación está tamén a piques de executar a urbanización do tramo urbano da estrada de saída e entrada dende As Neves e Arbo, demostrando así que “Ponteareas sempre pode contar coa Deputación que preside unha muller socialista, como Carmela Silva”.

    O PP e ACIP, son a mesma cousa e son o pasado

    Delfín Domínguez concluíu que nestas Municipais “Ponteareas xógase o seu futuro”. “A Ponteareas séntanlle ben os gobernos do PSOE, porque cada vez que gobernamos as e os socialistas na Deputación, na Xunta ou no Estado hai investimentos significativos en Ponteareas”. Enfronte, recordou, hai un PP e unha ACIP que definiu como “a mesma cousa e a volta ao pasado que ambas siglas comparten”. “Reaparecen, cos mesmos rostros, para prometer cousas idénticas ás que incumpriron cando gobernaron” e, por iso, pediu á veciñanza que non se esqueza de que a candidata do PP é a responsable dun estancamento urbanístico de Ponteareas que durou demasiado tempo e freou o crecemento, “ata que moi recentemente conseguimos, por fin, desatascar o Plan de Urbanismo”.

    Carmela Silva coincidiu en que sempre son as Administracións gobernadas polo Partido Socialista as que fan que Ponteareas avance, como evidencian os proxectos para a Variante, o enlace coa N-120 ou a licitación das obras da depuradora da Moscadeira e a rede de saneamento. Ademais puxo en valor os máis de 17,6 millóns de euros achegados pola Deputación nos últimos 8 anos para financiar non só obras, senón tamén actividades municipais e mesmo para a contratación de persoas desempregadas polo Concello. “Da Xunta chegaron case cero euros; un auténtico escándalo democrático”, afirmou.

    Carmela Silva amosouse orgullosa “dun legado con nomes e apelidos que esta Deputación deixa en Ponteareas” con obras como a reurbanización da contorna da piscina e o centro de saúde, as melloras urbanas, a renovación das redes de iluminación con tecnoloxía led “e esta aposta contundente por unha mobilidade sostible e segura que chamamos itinerario seguro ao colexio Ramiro Sabell, pero é unha auténtica transformación urbana de boa parte do centro de Ponteareas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.