«Cata de viños novos e maceracións carbónicas» na Casa Cultural de Arcos

No marco da VI edición da Feira de Outono que se celebra na Casa Cultural de Arcos, o vindeiro sábado, 26 de outubro ás 20:30 horas, terá lugar unha «Cata de viños novos e maceracións carbónicas», actividade que se fará coa colaboración de Templum Sensibus Viñoteca.

A cata inclúe unha cea a base de petiscos variados cun prezo de 18 euros para socios e socias e 20 euros para as persoas non asociadas que queiran participar. As inscricións poden realizarse na cafetaría da Casa Cultural, no enderezo de correo electrónico parroquiadearcos@gmail.com ou no +34 603 27 09 63. As prazas son limitadas.

Ponteareas