7.9 C
Pontevedra
Venres, 29 de Marzo de 2024
Máis
    HomeO CondadoPonteareasBrais Vázquez, Martiño Rama e Alba Campos gañan o Ai mamasiña que...

    Brais Vázquez, Martiño Rama e Alba Campos gañan o Ai mamasiña que medo!

    O Concello de Ponteareas premia os tres mellores relatos de medo polo Samaín na IV edición do concurso Ai amasiña que medo! Este certame, que convoca e organiza a Concellaría de Cultura, pretende fomentar a escritura imaxinativa entre alumnado dos diferentes centros de ensino primario do municipio e manter unha das datas máis salientábeis da cultura popular galega.

    O primeiro premio foi para o relato “O gato da mala sorte”, de Brais Vázquez da Silva; o segundo, para “Nunca volverá”, de Martiño Rama Hombreiro; e o terceiro, para “Ai mamasiña que medo”, de Alba Campos Rodríguez. O xurado, que estivo composto por Manrique Fernández (xornalista e escritor), por Pilar Alonso (poeta) e Fernando Groba (concelleiro de Cultura e filólogo), salientou “a alta participación e a calidade dos textos que se presentaron”. Subliñou tamén que “valoramos, sobre todo, a capacidade daqueles textos que fomentan o medo mais sen a necesidade de seren sanguinarios”. Os textos gañadores publicaranse na páxina de facebook da Concellaría de Cultura de Ponteareas (https://www.facebook.com/visitponteareas/).

    “Agradecémoslles, enormemente, a todas as persoas que participaron os seus fantásticos traballos, ao persoal dos centros de ensino de Ponteareas que animaron e incentivaron o seu alumnado a se presentaren e ás familias por funcionaren de motor de transmisión interxeracional tanto das nosas tradicións como da nosa lingua” comenta o concelleiro nacionalista.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.