23.8 C
Pontevedra
Domingo, 2 de Outubro de 2022
Máis
    HomeO CondadoPonteareasAventuras, convivencia e diversión encheron o verán da ludoteca municipal de Ponteareas

    Aventuras, convivencia e diversión encheron o verán da ludoteca municipal de Ponteareas

    Co inicio do curso, a ludoteca municipal de Ponteareas puxo xa punto e final a todo un verán cheo de aventuras, deporte, amizades e convivencia. Dous meses con actividades “pensadas para ofrecer a nenos e nenas de 6 a 12 anos un lecer lúdico, divertido e educativo no que rapazas e rapaces aproveitaron as vacacións estivais para aprender xogando”, explica a concelleira de Benestar Social, Verónica Carrera.

    Acompañados sempre por un monitor, durante xullo e agosto a ludoteca organizou numerosas saídas e actividades, tanto dentro das instalacións municipais como fóra. Así, nenos e nenas alternaron actividades como xogos de pelota ou de mesa, paracaídas, xogos de auga, manualidades, clases de repostería, pilates ou a busca do tesouro con excursións nas que visitaron, por exemplo, todos os parques de Ponteareas a través de xincanas, rastrexos e grandes xogos. Tamén coñeceron máis a vila e a súa tradición de Corpus coa visita ao Museo a Ceo Aberto, desfrutaron da Freixa ou achegáronse aos cabalos visitando Hípica Char.

    As saídas levaron ás e aos participantes a coñecer tamén os concellos da contorna, con excursión a Mondariz e Mondariz Balneario ou ás termas e ao Parque da Canuda en Salvaterra de Miño. “A través da ludoteca achegamos unha oferta lúdica moi variada na que os nenos e nenas son os propios protagonistas, cunha atención personalizada e de calidade onde o benestar da infancia é o fundamental”, asegura a edil.

    E tras a época estival, a ludoteca xa está a preparar as actividades para este curso 2022/2023, que comezarán o vindeiro luns 3 de outubro. Serán dúas horas en horario de tarde con actividades destinadas a nenos e nenas de 6 a 12 anos e unha cota de 14,64 euros ao mes. As familias interesadas teñen ata o vindeiro 30 de setembro para matricular aos cativos.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS