14.9 C
Pontevedra
Martes, 26 de Outubro de 2021
Máis
    HomeO CondadoPonteareasAvelaíña atendeu a máis de 73 persoas usuarias e familias en Ponteareas...

    Avelaíña atendeu a máis de 73 persoas usuarias e familias en Ponteareas ao longo do 2020

    A asociación instalou este xoves unha mesa informativa no Centro Social de Ponteareas ao abeiro da campaña en conmemoración do Día Mundial da Saúde Mental

    En Galicia máis de 80.000 persoas contan con certificado de discapacidade por enfermidade mental, máis de 24.000 delas na provincia de Pontevedra, sendo xa a segunda causa de discapacidade despois da física. Uns datos que reflicten que se trata dun problema cunha amplísima repercusión tanto nos propios veciños e veciñas como nas súas familias. Dende hai case 25 anos a Asociación Avelaíña traballa para potenciar a inclusión das persoas con problemas de saúde mental mediante a promoción da súa calidade de vida e da dos seus familiares. Só no que vai de ano, a entidade atendeu en Ponteareas a 37 persoas e familias ás que se lle prestou o servizo de información e asesoramento, de apoio psicolóxico ou de apoio comunitario.

    Ao longo de 2020, a asociación traballou en Ponteareas con 46 usuarios e usuarias e 27 familias levando a cabo un conxunto de intervencións dirixidas a previr a exclusión social das persoas con problemas de saúde mental de forma presencial, telefónica ou en domicilio. Este xoves, dentro da campaña de visibilización e sensibilización realizada ao abeiro do Día Mundial da Saúde Mental, Avelaíña estivo cunha mesa informativa no Centro Social de Ponteareas para achegar a saúde mental á veciñanza, dando como agasallo unha chapa co lema deste ano: ‘Saúde mental, un dereito necesario’.

    A concelleira de Benestar Social, Verónica Carrera, e o de Mocidade e Voluntariado, Miguel Bouzó, visitaron a mesa e agradeceron unha vez máis o importante labor que están a desenvolver dende Avelaíña no municipio e na comarca do Condado. “A crise sanitaria foi especialmente dura coas persoas con problemas de enfermidade mental, polo que Avelaíña e todo o equipo de profesionais que ten detrás converteuse nun apoio imprescindíbel para estas persoas e as súas familias”, salientou a edil.

    Mesa informativa de Avelaíña en Ponteareas

    O Concello de Ponteareas colabora coa asociación no financiamento do Programa de integración de persoas con enfermidade mental no seu ámbito comunitario, que inclúe unha serie de obradoiros que teñen como obxectivos mellorar a calidade de vida das persoas con enfermidade mental e dos seus familiares e mellorar a súa atención na súa contorna psicosocial e comunitaria máis próxima. Un proxecto piloto no que un equipo de profesionais se desprazan ata os domicilios das persoas que polas características da súa enfermidade teñen algunha limitación que lles impida acceder a outros recursos da propia comarca, con atención e intervención de proximidade especialmente no ámbito rural e acompañamento comunitario ás familias, potenciando o desenvolvemento dunha rede de axuda mutua. Soamente no 2020 ao abeiro deste programa Avelaíña realizou 411 actuacións individuais na comarca, 167 coordinacións, 40 servizos de acompañamento comunitario e 32 actividades.

    Avelaíña é unha entidade sen ánimo de lucro declarada Entidade de Utilidade Pública en 2010 que traballa dende 1997 para potenciar a inclusión das persoas con problemas de saúde mental mediante a promoción da súa calidade de vida e a dos seus familiares. Tras 24 anos de traballo, na actualidade a asociación está integrada por 18 profesionais e máis de 400 persoas socias con enfermidade mental, familiares, coidadores e persoas sensibilizadas ante este problema de saúde. Na actualidade presta na comarca do Condado, entre outros, servizos de información e asesoramento e de atención sociosanitaria a través do Programa Achego, que conta cunha Unidade de Apoio Comunitario en Saúde Mental pensada para a poboación eminentemente rural, adaptándose ás súas necesidade e horarios, con atención a domicilio, soporte psicosocial, apoio a familiares e persoas coidadoras e coordinación dos servizos sociosanitarios e comunitarios dispoñíbeis.

    COLABORACIÓNS

    Desplazados en la sanidad

    La sanidad pública se mantiene como uno de esos pocos motivos de orgullo que le quedan al contribuyente. Nuestros impuestos mantienen un complejo entramado de centros sanitarios y profesionales que tejen una invisible red de seguridad a nuestro alrededor. Con independencia del motivo de consulta, el deseo de cualquier usuario es que la asistencia sea fluida, ágil y precisa. Necesitamos percibir que somos escuchados con atención y tratados con respeto, diligencia y empatía.

    Samuel Merino (Pompa e Boato), «Guantanamera (Poema nun só acto)»

    Primeiro poemario en galego de Samuel Merino, logo de dous textos en castelán («Enésima patada con amor» e «Trementina») que son dúas auténticas esgazaduras polas que esborrexe, pinga a pinga, a alma do autor. Naqueles primeiros versos, asinados baixo o pseudónimo de «Pompa e Boato», o poeta semella reconstruirse logo dun particular descenso aos seus propios infernos.

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Colaboradores

    Alberto Aliaga Sola
    13 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    47 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS