4.5 C
Pontevedra
Martes, 5 de Decembro de 2023
Máis
    HomeO CondadoPonteareasAs Axencias de lectura de Areas, Xinzo e Ribadetea volven a abrir...

    As Axencias de lectura de Areas, Xinzo e Ribadetea volven a abrir as súas portas

    A concellería de Cultura do Concello de Ponteareas, que dirixe Fernando Groba, vén de dar a coñecer que as Axencias de Lectura de Áreas, Xinzo e Ribadetea volverán abrir as súas portas a vindeira semana. O horario será de 16:00 a 18:00 h os martes en Areas, os mércores en Xinzo e os xoves en Ribadetea.

    É, sen dúbida, unha boa nova a reapertura dunhas instalacións que xogan un papel determinante á hora tanto de fomentar a lectura coma de converterse nun centro integrador e dinamizador da vida cultural nestas parroquias.

    Todas estas axencias acollerán un contacontos un día á semana, para desta forma animar aos máis cativos a achegarse e coñecer a súa biblioteca máis próxima.

    Tamén na Biblioteca Municipal de Ponteareas, todos os xoves, a partir da vindeira semana, haberá un contacontos para nenos con idades comprendidas entre os 4 e os 10 anos.

    O contacontos é como un momento máxico de encontro coa literatura fundamentada no moito que lles gusta aos nenos e nenas destas idades temperás que o adulto lles lea.

    LIBROS

    Amador Castro Moure, «Pronto hei de volver»

    A emigración, como non podía ser doutra maneira, é un deses temas aos que a literatura galega volve unha e outra vez. Dende distintas perspectivas e con diferentes enfoques e intencións, forma parte troncal do noso sistema literario dende o momento en que comezou a tomar forma.

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.