7.9 C
Pontevedra
Venres, 29 de Marzo de 2024
Máis
    HomeO CondadoPonteareasAlfombristas de Ponteareas participan nun programa mundial de arte efémera

    Alfombristas de Ponteareas participan nun programa mundial de arte efémera

    Un grupo de alfombristas de Ponteareas participaron no Proxecto ‘Momento de solidariedade’, organizado pola Coordinadora Internacional de Entidades de Arte Efémera, coa confección de dúas alfombras, realizadas en domicilios dos alfombristas.

    Este proxecto é único e innovador no ámbito alfombrista e foi pensado e creado pola Comisión de Proxectos da Coordinadora, especialmente para a campaña do confinamento: #QuedateEnCasa. Desta maneira, cada alfombrista elaborou unha alfombra para expresar na súa arte aqueles sentimentos que desexa compartir.

    Este proxecto vai dedicado a todas as persoas que fan traballos esenciais en favor da comunidade, ás familias que perderon un ser querido, aos enfermos, aos anciáns que senten sós e a todos os alfombristas do mundo. Baixo o lema: De lonxe, unidos no corazón, as nosas alfombras expresan a proximidade e o abrazo solidario que compartimos e mandamos ao mundo.

    Ponteareas, berce internacional do Corpus Christi cunha tradición de mais de 200 anos, tiña que estar presente neste evento, compartindo a nosa tradición co mundo, ao mesmo tempo que se demostra a solidariedade e corazón das súas xentes.

    Os alfombristas de Ponteareas, neste caso da asociación Corpus As Monxas, quixeron plasmar un relevante amor “a todas as persoas que sufriron con esta pandemia, a todos aqueles e aquelas que estiveron velando pola nosa saúde e seguridade e as nosas familias que sufriron de primeira man o confinamento e o distanciamento”.

    Neste enlace recóllese o video confeccionado cos traballos de todas as asociacións e cidades.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.