16 C
Pontevedra
Sábado, 1 de Outubro de 2022
Máis
    HomeO CondadoPonteareasA veciñanza de Ponteareas xa pode recoller o calendario 2022 que homenaxea...

    A veciñanza de Ponteareas xa pode recoller o calendario 2022 que homenaxea a obra do caricaturista Vidales Tomé

    Dende hoxe todas as persoas que o desexen poderán adquirilo no Concello ou na Biblioteca Municipal

    O Concello de Ponteareas quere agasallar a toda a veciñanza co seu Calendario Galego 2022 no que homenaxea ao gran caricaturista ponteareán Vidales Tomé. Todas as persoas que o desexen poderán adquirilo no Concello ou na Biblioteca Municipal de maneira totalmente gratuíta.

    A alcaldesa, Cristina Fernández Davila, explica que con este calendario “queremos reflectir o traballo deste gran artista, persoa nada en Ponteareas a finais do século XIX., e que cos seus debuxos foi quen de reflectir unha época”. O deseño destaca viñetas críticas, sarcásticas moitas veces, cun gran sentido do humor e que, en palabras da rexedora, “seguen sentíndose actuais”. Vidales Tomé puxo de relevo cos seus debuxos e cun gran sentido do humor os aspectos máis negativos do momento que lle tocou vivir nunha Galicia caracterizada pola fame, a pobreza, a emigración e a falla de igualdade social.

    Cristina Fernández Davila tamén quere facer unha mención especial ao veciño Miguel Novoa, xa que foi el o que aportou todo o material usado para a elaboración desta edición do Calendario “coa que imos dar a coñecer o carisma e creación deste ponteareán que viviu unha época convulsa na primeira metade do século pasado e que este Goberno, como quería Xosé Represas en concreto, recoñece”.

    O concelleiro de Cultura, Fernando Groba, tamén destaca que o legado de Vidales Tomé está ben continuado pola boa factura de debuxantes que hai en Ponteareas, como Pablo Prado e Anémona de Río, que publicaron recentemente dous álbums con Galaxia e Xerais: “O derradeiro libro de Emma Olsen”, adaptación da novela de Berta Dávila, e a “A proba da auga”, e tamén Sergio de Arcos. Os tres foron gañadores do premio de banda deseñada de O Garaxe Hermético.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS