9.6 C
Pontevedra
Xoves, 28 de Marzo de 2024
Máis
    HomeO CondadoPonteareasA ponteareá Melania Rodríguez, bronce no Campionato do Mundo de trampolín

    A ponteareá Melania Rodríguez, bronce no Campionato do Mundo de trampolín

    O Concello quere darlle os parabéns a unha deportista que non para de superar barreiras e que, con só 20 anos, ten un impresionante palmarés

    A ponteareá Melania Rodríguez continúa a escribir a súa historia no mundo da ximnasia. A deportista, de tan só 20 anos, acaba de participar en dúas finais do Campionato do Mundo de ximnasia de trampolín que se celebrou en Bakú (Acerbaixán), logrando o bronce na especialidade de dobre minitramp. O concelleiro de Deportes, Miguel Bouzó, quere “dar os parabéns a Melania e ao seu equipo por estes magníficos resultados”, e afirma que “a deportista é un marabilloso exemplo de superación, esforzo e constancia para todos os mozos e mozas que queren triunfar no deporte no noso concello”.

    A deportista obtivo a terceira mellor puntuación, 69.600 puntos, por detrás da sueca Lina  Sjoeberg (70.900), que logrou o seu terceiro mundial consecutivo, e a estadounidense  Shelby  Nobuhara (70.000). Un resultado que reforza as súas posibilidades para participar nos Xogos Olímpicos de París do 2024. “Con estes resultados Melania únese a longa lista de deportistas de éxito estatal cos que conta Ponteareas”, destaca Bouzó.

    Con só 20 anos, ademais destas dúas finais, Melania Rodríguez ten no seu palmarés, entre moitos éxitos, un podio no Campionato do Mundo de ximnasia no 2018 e dous títulos europeos júnior consecutivos. Unha carreira chea de éxitos, malia as lesións. No ano 2019 sufriu unha fractura no metatarsiano, e despois un accidente de tráfico que lle impediron participar en tres das copas do mundo que se celebraron, fundamentais para clasificarse para os Xogos Olímpicos de Tokio.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.