14.1 C
Pontevedra
Mércores, 29 de Setembro de 2021
Máis
    HomeO CondadoPonteareasA Policía Local de Ponteareas detecta un "alarmante aumento" das infraccións dende...

    A Policía Local de Ponteareas detecta un “alarmante aumento” das infraccións dende a implantación das franxas horarias

    Máis dun cento de ponteareáns foron xa denunciados durante o estado de alarma por incumprir as normas de confinamento e distanciamento

    A Policía Local de Ponteareas ven detectando un alarmante aumento das infraccións desde que o pasado sábado día 2 de maio se implantaron as faixas horarias de saída á rúa. Desde o inicio do estado de alarma a Policía Local levantou un total de 114 actas de denuncia das que máis de 20 se corresponden cos últimos días.

    Segundo informa o concelleiro de Mobilidade e Tráfico, Roberto Mera, a maioría das infraccións están relacionadas coa vulneración das normas de mobilidade. As denuncias máis habituais refírense a saídas fóra dos horarios autorizados, persoas en grupos, persoas acompañadas por outras alleas á unidade familiar e menores acompañados de dous adultos. Tamén se teñen detectado infraccións nos horarios reservados para os menores nos que se observaron nenos e nenas interactuando e compartindo xogos con moitos outros. Os seus pais ou nais foron denunciados por desentenderse dos seus fillos e fillas e do risco que corren para a súa saúde.

    Entre as denuncias atópase unha a tres adultos que xunto con catro menores celebraban unha festa con bebida e música no parque de San Roque. Nestes días tamén foron denunciadas até dez persoas diferentes que se atopaban na Freixa fóra de horario e acompañados de máis persoas alleas á unidade familiar. Tamén destaca entre as denuncias a interposta contra unha persoa positiva de coronavirus e obrigada a permanecer en corentena, pero que foi inteceptada nun control da Policía. Outra persoa tivo que ser reducida e detida tras ser requirida pola Policía Local e darse á fuga pola beira do Tea. Neste caso e noutros, a infracción tramitouse como delicto e foi obxecto de xuízo nos xulgados de Ponteareas con condea ao infractor. Nun control tamén se detivo a unha persoa con orde de busca e captura que pasou a disposición xudicial. Ademais, unha media ducia de persoas foron reincidentes tras ser denunciadas varias veces.

    Mera considera preocupante o nivel de incumprimento das normas por unha parte pequena da poboación, pero suficiente para “poñer en serio risco o sacrificio e o esforzo feito por toda a poboación. Co seu comportamento incívico, insolidario e inconscente as persoas infractoras están contribuindo a que se poida producir un rebrote da epidemia coas consecuencias sanitarias, sociais e económicas que tería”. O concelleiro felicitou á Policía Local que ven “actuando de forma exemplar, con risco para a súa saúde e cunha vocación de servizo público que todos e todas debemos agradecer”.

    Por outra banda, a Policía Local informa que a emisión de música nos balcóns non se seguirá tolerando pois “unha vez que toda a poboación pode saír á rúa carece de calquera xustificación“. Varias persoas foron denunciadas durante o confinamento por poñer música por tempo prolongado causando molestias á veciñanza.

    Diante desta preocupante situación a Policía Local reforzará nos vindeiros días a vixilancia e actuará co máximo rigor para frear as infraccións e protexer á maioría da poboación que cumpre escrupulosamente coas normas de distanciamento e seguridade.

    COLABORACIÓNS

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Andreia Costas, «Corazón de vaca e outras vísceras»

    «Corazón de vaca e outras vísceras» é a primeira achega individual de Andreia Costas ao mundo da narrativa, logo de participar con éxito en varios certames de relato e de poesía e nalgúns libros colectivos.

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    45 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS