18.4 C
Pontevedra
Luns, 3 de Outubro de 2022
Máis
    HomeO CondadoPonteareasA Plataforma N-120 asegura que o PSOE de Ponteareas "deixa de existir...

    A Plataforma N-120 asegura que o PSOE de Ponteareas “deixa de existir como interlocutor válido”

    A dirección da Plataforma N-120 expresa o seu total apoio ao actual voceiro

    A dirección da Plataforma N-120 de Ponteareas fixo público na tarde noite de onte un comunicado de prensa no que expresan “o total e firme apoio ao noso portavoz José Luís Campos Represas”, ao mesmo tempo que asesguran que “todas as intervencións públicas que fixo o noso portavoz foron consensuadas por nós”.

    Segundo a directiva da Plataforma, as intervencións públicas nunca se apartaron da liña de traballo da Plataforma N-120, e sempre tiveron como único obxectivo “frear a masacre de mortes na N-120”, ademais de como conseguir unha circunvalación “que coloque ao Concello de Ponteareas no século XXI”.

    No que se refire ao PSdeG-PSOE de Ponteareas a Plataforma N-120 manifesta que “esta é a derradeira vez que se vai facer referencia a este partido político nas súas comunicacións públicas, sexa para o negativo ou para o positivo” engadindo que “dende xa, o PSdeG-PSOE de Ponteareas deixa de ser un actor político social de referencia, deixa de existir como interlocutor válido”.

    “En parte entendemos as súas últimas manifestacións públicas, posiblemente causadas pola impotencia, pola falta de xuízo político ou polo feito de non ter conseguido nada no pasado, presente e futuro, xa que todo o que se consiga non terá nada que ver con eles” afirman rotundamente.

    Malia iso, a Plataforma puntualiza que “a nosa porta sempre estará aberta a calquera militante ou dirixente do PSOE, pero nunca máis estaremos dispoñibles para os actuais compoñentes da dirección local do PSdeG-PSOE de Ponteareas, nin tampouco á actual Subdelegada do Goberno en Pontevedra”.

    No referente á N-120, amosan unha “enorme preocupación” pola comunicación oficial do MITMA do Goberno do Estado, “que recibimos casualmente esta semana, despois de enviar varias solicitudes de información no ano 2021”. Dita comunicación sinala que, por unha parte, o proxecto está sendo revisado na Dirección General de Carreteras de Madrid e que proximamente será levado a exposición pública, e por outra parte se afirma que o tramo da estrada N-120 que está no proxecto de reforma “non é un tramo de concentración de accidentes”.

    Ante isto último, a dirección da Plataforma N-120 pregúntase “se isto quere dicir que ten que seguir morrendo moita máis xente para que teña esa denominación? Que a non ser un tramo de concentración de accidentes a reforma vaise facer cando ao funcionario de Madrid se poña co expediente que está debaixo doutro centos de toda España? Que ese funcionario de Madrid, os seus xefes de departamento, ou os seus xefes políticos non teñen a información actualizada de que hai dous meses faleceu unha persoa de 30 anos, por non estar feita a reforma da N-120 e de que o Destacamento da Garda Civil de Tráfico do Porriño ten a constancia de que os accidentes son continuos neste tramo?”

    Ante esta desacougante nova, a dirección da Plataforma N-120 pídelle a todas as veciñas e veciños “que estean en alerta e atentas ao que poida xurdir” e aseguran estar traballando xa “en novas liñas a seguir, e que presentaremos na vindeira reunión coa Alcaldesa do Concello de Ponteareas, BNG, ACIP, PP e cos colectivos veciñais implicados. Nesa reunión estaremos receptivos ás propostas que se poidan presentar e sempre co obxectivo de acadar o ben común”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS