O vindeiro sábado 26 de xuño a Escola de Música de Xinzo pecha o curso escolar 2020/2021 coa Audición de Fin de Curso. O acto terá lugar no auditorio do Centro Cultural de Xinzo ás 19:30 h da tarde.
Na audición participarán alumnos de diferentes modalidades tanto en interpretacións solistas como grupais. O peche correrá a cargo da Banda de Música Infantil da Escola coa última actuación da tarde.
Aínda así, desde a Escola non esquecen que a situación aínda se atopa limitada pola pandemia sanitaria. “Tomaremos todas as medidas necesarias para garantir a seguridade da audición”, sinalou Francisco Jesús Represas Carrera, presidente da agruapción, asegurando que o aforo no auditorio será dun 50% e o uso de máscara, obrigatorio.