A Escola de Música de Xinzo deu comezo ao período de inscrición para o próximo curso. Dende o pasado 15 de xullo, os novos alumnos xa poden matricularse nas clases de Linguaxe Musical e de Instrumento, ao que se suma a posibilidade de entrar a formar parte da Banda de Música Infantil.
Tamén os máis pequenos, nenos e nenas de entre 5 e 7 anos, teñen a oportunidade de inscribirse no Xardín Musical para aprender música dende unha idade temperá. Farano mediante un método lúdico que os axude a entrar en contacto por primeira vez con instrumentos de vento ou percusión, ademais de recibir clases de Linguaxe Musical.
O prazo para realizar a matrícula conclúe o próximo 31 de agosto. A presentación do novo curso, xunto coa elección de horarios, será o 6 de setembro ás 20:00h no local da Escola, situado no Centro Cultural de Xinzo.
Para máis información, é posible contactar coa Escola de Música a través dos números de teléfono 620 061 434 e 652 174 676, ou ben escribir á dirección de correo electrónico [email protected].