11.5 C
Pontevedra
Venres, 9 de Decembro de 2022
Máis
    HomeO CondadoPonteareasA aula CeMIT de Ponteareas programa oito cursos de balde en novembro

    A aula CeMIT de Ponteareas programa oito cursos de balde en novembro

    A aula CeMIT de Ponteareas prepara para este mes de novembro unha programación cargada de actividades dirixidas a todos os públicos. En total serán 8 cursos de balde “coas que achegar a maiores pero tamén ás novas xeracións o coñecemento das aplicacións gratuítas ou o emprego de todo o potencial que ofrece internet, xa que nun mundo cada día máis tecnolóxico é fundamental ter as ferramentas axeitadas, sexa cal sexa a idade dos usuarios e usuarias”, explica o concelleiro de Innovación e Desenvolvemento Tecnolóxico, Benito Márquez.

    A programación mensual arrancará cun curso dunha hora para aprender a empregar a nube en internet que se celebrará o mércores 2 de novembro de 17.00 a 18.00 horas. Ese mesmo día de 18.00 a 21.00 horas realizaranse as probas presenciais exclusivas para as persoas que remataron algún curso de teleformación na plataforma EMA. A semana rematará cun curso o 3 de novembro de 16.00 a 21.00 horas sobre o uso de Duolingo, unha aplicación gratuíta coa que aprender diferentes idiomas.

    Do 7 ao 11 de novembro (de 16.00 a 18.00 horas) a aula CeMIT acollerá un obradoiro de dez horas no que as persoas participantes aprenderán a sacarlle o máximo partido aos seus teléfonos móbiles. Á semana seguinte as clases estarán centradas en comezar a empregar o Libre Office cun curso que se impartirá do 14 ao 18 de novembro de 16.00 a 21.00 horas.

    Por outra banda, este mes as persoas usuarias tamén poderán achegarse aos conversores de ficheiros cun curso o 21 de novembro de 16.00 a 21.00 horas ou a crear orixinais currículos grazas a Canva o 28 de novembro, tamén de 16.00 a 21.00 horas. Ademais, as e os ponteareáns poderán participar nas clases prácticas de ofimática que terán lugar os días 22, 23, 24, 29.e 30 de novembro e 1 de decembro de 16.00 a 21.00 horas.

    As persoas interesadas en realizar estes cursos ou calquera dos outros obradoiros que se ofertan mensualmente deben facer a súa preinscrición a través do espazo da aula CeMIT habilitado na web da Xunta. Para máis información poderá contactarse coa aula CeMIT no correo electrónico cemit.ponteareas@xunta.gal ou chamando ou enviando unha mensaxe de whatsapp ao número 634 238 962 dentro do horario da aula.

    COLABORACIÓNS

    Nazaret López, «Pecados veniais»

    Ás veces non resulta doado establecer o punto no que se sitúa a liña feble que separa uns xéneros literarios de outros. É coma participar nunha especie de xogo no que os autores rachan as barreiras establecidas e descolocan ao lector, quizais para provocar unha lectura diferente do texto que presentan.

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    74 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS