17.8 C
Pontevedra
Luns, 3 de Outubro de 2022
Máis
    HomeO CondadoPonteareas104 nenas e nenos inician o luns 14 o curso na Escola...

    104 nenas e nenos inician o luns 14 o curso na Escola Infantil Municipal de Ponteareas baixo estrictas normas de seguridade

    A Concellería de Benestar Social e Igualdade solicita a colaboración das familias para garantir un espazo seguro e saúdabel

    A concelleira de Benestar Social e Igualdade do Concello de Ponteareas, Verónica Carrera, informa do inicio do curso escolar 2020-2021 na escola infantil municipal o vindeiro luns 14 de setembro. Inician o curso un total de 104 nenas e nenos. Por idades, 50 son da etapa 2-3 anos, 43 de 1-2 anos e só 11 no grupo de 0-1 anos. A situación da pandemia condicionou a decisión das familias dos máis cativos, de aí o menor número de nenos e nenas da etapa de 0-1 ano. A Directora da Escola e as educadoras xa trasladaron ás familias o novo protocolo para o comezo do curso. Tendo en conta as novas normativas e recomendacións sanitarias e de seguridade ante a Covid-19 e baseándose no protocolo achegado pola Xunta de Galicia, a concellaría deseñou un documento específico para a escola infantil municipal para así poder adaptar dende unha perspectiva máis real o protocolo da Xunta .

    Entre as medidas que adoptou a escola infantil está a creación de grupos estables de convivencia e eliminación do espazo de comedor pasando a xantar nas propias aulas para así reducir os riscos.

    No protocolo de actuación contémplase, entre outros aspectos, o momento de entrada na escola que se realizará de xeito escalonado sendo un único adulto o que acompañe ao cativo/a e tendo que levarse de volta para o fogar o calzado e o abrigo do mesmo. A concellería facilitará un espazo seguro para o momento de desvestir ao pequeno/a e calzado exclusivo para utilizar dentro da escola. O adulto que se achegue ao centro deberá levar mascariña e manter as distancias de seguridade respecto ao persoal e ao resto dos usuarios e usuarias.

    O material facilitado polas familias deberá ser desinfectado antes de entregalo ao persoal debidamente marcado, lavado e pechado en bolsas de plástico evitando que saian do centro. Os carriños tampouco poderán ser deixados na escola infantil.

    Os nenos e nenas que teñan síntomas aínda que sexan leves non deberán acudir e as familias deberán tomar a temperatura dos seus fillos e fillas antes de levalos á escola. Os e as que teñan febre a partir de 37,5º , tose ou síntomas de dificultade respiratoria tampouco deben acudir.

    As familias non pasarán ao interior da escola, salvo por indicación do persoal.

    Verónica Carrera e a dirección do centro pregan a máxima puntualidade e axilidade no momento da chegada e da entrega nos horarios que marcará o centro e así, entre todos, garantir un espazo de convivencia sano e seguro.

    “Pola ben de todas as familias e para que o servizo da escola infantil municipal poida desenvolverse coa maior normalidade será decisiva a colaboración de todas e de todos, facendo un exercizo de responsabilidade extremo para protexer a saúde das nosa pequenas e pequenos”.

    A concelleira apela á paciencia e comprensión das familias sendo consciente do esforzo que suporá para a conciliación familiar e laboral ter aos fillos e fillas na casa á mínima sospeita de Covid-19.

    “Máis ca nunca estamos a realizar todos os esforzos precisos para ofrecer un servizo de máxima calidade, tendo neste curso un centro máis confortable ao estar xa a piques de rematar as obras de eficiencia enerxética”.

    A Escola Infantil municipal é un servizo que depende do Concello de Ponteareas e non da Xunta de Galicia que é a administración que está obrigada a asumir estas competencias. A Xunta de Galicia únicamente aporta 42.000 euros ao ano, segundo os datos da contabilidade municipal de 2019. As familias aportan 67.860,46 €, e o Concello, con cargo aos fondos propios , 466.028,21€ ata completar o coste total de 575.888,67 euros.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS