13.8 C
Pontevedra
Domingo, 19 de Setembro de 2021
Máis
    HomeO CondadoMondariz«Xornada de oportunidades de desenvolvemento no medio rural» en Mondariz

    «Xornada de oportunidades de desenvolvemento no medio rural» en Mondariz

    O Concello poñerá en marcha accións de cara a poñer freo ao constante despoboamento que ven sufrindo o municipio

    O Concello de Mondariz, a través da concellería de Desenvolvemento Económico e Turismo e da axente de Emprego e Desenvolvemento Local, está a organizar unha xornada de oportunidades de desenvolvemento no medio rural arredor da fruticultura e, en particular, da produción de mazá e derivados. A asistencia ás charlas e á degustación de sidra programadas para o sábado, 26 de outubro, será gratuíta e libre até completar aforo.

    Unha das liñas políticas estratéxicas do goberno municipal é promover un desenvolvemento rural atractivo para a veciñanza que poña freo á constante despoboación que vén sufrindo o Concello de Mondariz. Con este obxectivo en mente o alcalde Xosé Emilio Barros e os concelleiros téñense reunido nos últimos meses con representantes de diversas institucións relacionadas directa ou indirectamente co desenvolvemento rural.

    Durante unha recente reunión co director xeral de AGADER, Miguel Pérez Dubois, o alcalde de Mondariz solicitou colaboración para estudar as potencialidades do sector frutícola no territorio, así como máis información sobre o programa de aldeas modelos que promove a Consellería de Medio Rural da Xunta de Galicia, de cara a poder organizar algunha charla sobre as actividades que se poden levar a cabo nas faixas secundarias.

    “O goberno municipal busca estimular a capacidade de emprendemento da veciñanza para avanzar entre todos e todas na recuperación de terras abandonadas, unha acción complexa pero necesaria que se relaciona co desenvolvemento rural e a loita contra a despoboación, en definitiva, co futuro de Mondariz”, sinala o alcalde e concelleiro de Desenvolvemento Económico e Turismo, Xosé Emilio Barros.

    A xornada arrancará ás 11:00 horas na Sala de Exposicións do Centro Social de Mondariz, cunha charla de Xosé Antonio Meixide, técnico agrícola do Centro de Formación e Experimentación Agroforestal de Guísamo (A Coruña) que introducirá o tema da fruticultura como opción de desenvolvemento. Seguirá un café tertulia e unha intervención de Bolívar González, un produtor de cultivos ecolóxicos que compartirá a súa experiencia en produción ecolóxica de mazá.

    Despois do xantar, a partir das 17:00 horas, a bióloga Antía Verde falará dos beneficios da mazá do país, centrando a atención na súa capacidade antioxidante. Seguidamente, o enxeñeiro agrícola Marcos Vázquez compartirá a súa experiencia en produción ecolóxica de mazá. A xornada rematará ás 19:00 horas, na Praza de Abastos de Mondariz, cun obradoiro no que se explicará o proceso de elaboración da sidra e se ofrecerá unha degustación desta bebida e outros produtos derivados da mazá por parte de Val do Traba, unha sidrería familiar de Noia (A Coruña).

    Esta é a primeira xornada de oportunidades de desenvolvemento no medio rural organizada íntegramente polo Concello de Mondariz. Anteriormente, no mes de setembro, xa se levou a cabo outro evento formativo e informativo sobre a crianza de porco celta nas carballeiras e nos soutos galegos organizado polo Centro de Investigación Forestal de Lourizán.

    COLABORACIÓNS

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Illote Areoso, paraíso natural

    Último domingo del mes de agosto y aquí estoy de nuevo para compartir con vosotros un pedacito de mis aventuras. Hoy os dejo un planazo sin salir de la provincia de Pontevedra: una visita al Illote Areoso.

    Peregrinos xacobeos na cidade de Tui (XIII). O nobre polaco, Xacobe Sobieski de Janina en 1611

    Nos capítulos que vimos recollendo nesta sección sobre peregrinos xacobeos que deixan referencía á cidade de Tui nos seus relatos ou diarios nos que recollen a súa experiencia, abordamos hoxe a figura doutro peregrino chegado dende terras ben afastadas. Trátase dun nobre polaco, Xacobe (Jakub) Sobieski de Janina, foi...

    Colaboradores

    Alberto Aliaga Sola
    11 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS