7.5 C
Pontevedra
Mércores, 8 de Febreiro de 2023
Máis
    HomeO CondadoMondarizMondariz xa ten «luz verde» para rematar as obras do centro urbano

    Mondariz xa ten «luz verde» para rematar as obras do centro urbano

    A empresa adxudicataria das obras de humanización na contorna do centro urbano de Mondariz, paralizadas dende xuño de 2019, retomou a súa actividade o xoves, horas despois de que o Concello de Mondariz recibise unha resolución do Servizo de Cooperación da Deputación de Pontevedra dando conformidade ao proxecto técnico modificado.

    O alcalde de Mondariz, Xosé Emilio Barros, pediu en nome do seu Goberno “desculpas á veciñanza pola incomodidade que supuxo a paralización das obras” e lembrou que esta situación “foi provocada pola mala xestión política do proxecto na etapa inicial e que, pola nosa parte, sempre actuamos con responsabilidade: fomos dilixentes de cara á administración e transparentes de cara á veciñanza”.

    Barros explicou que Os “múltiples cambios” efectuados sobre o proxecto autorizado inicialmente pola Deputación de Pontevedra “obrigaron a paralizar as obras e redactar unha actualización do proxecto para non pór en risco o seu financiamento”.

    “Neste arduo camiño burocrático para acadar unha resolución favorable da Deputación que nos permitira rematar as obras atopámonos a última hora coas obxeccións da Dirección Xeral do Patrimonio Cultural da Xunta de Galicia polos tipos de materiais utilizados na rampa de Merouces”, engade o alcalde de Mondariz.

    As obras, enmarcadas no Proxecto de Actuación Integral para a Mellora da Mobilidade e Seguridade Viaria na Contorna do Centro Urbano e Equipamentos de Mondariz que financiou a Deputación de Pontevedra ao abeiro do Plan DepoRemse, foron promovidas e iniciadas polo anterior Goberno a principios de 2019. Afectan ás céntricas rúas de Concepción Arenal e Merouces, así como á baixada cara a avenida do Grupo Escolar, onde se localizan a Casa do Concello, o Centro de Saúde, o Centro de Día, a Biblioteca Pública Municipal e o CPI de Mondariz.

    Segundo o Concello de Mondariz, durante o transcurso das obras realizáronse modificacións tales como a redución ou eliminación de elementos de humanización (árbores, farois, papeleiras,…) nunha parte da rúa Concepción Arenal, a instalación de lastra sobre formigón en lugar de sobre area ou a introdución dunha instalación para a recollida de augas pluviais que non aparecía no proxecto inicial. Por outra banda, na adxudicación aceptáronse melloras engadidas moi precarias que están a ocasionar problemas no tránsito de autobuses e outros vehículos durante as horas puntas na avenida do Grupo Escolar e na praza de Merouces.

    Tralas modificacións realizadas durante o transcurso das obras, antes da súa paralización temporal, o importe do proxecto aumentou un 14,99 % respecto ao prezo de adxudicación, alcanzando un custo total de 222.496,80 €.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS