7.5 C
Pontevedra
Xoves, 27 de Xaneiro de 2022
Máis
    HomeO CondadoMondarizMondariz redactará un proxecto de mobilidade urbana e recuperación de espazos públicos...

    Mondariz redactará un proxecto de mobilidade urbana e recuperación de espazos públicos cunha subvención da Rede Ágora

    O Concello de Mondariz, que foi o quinto solicitante mellor valorado do grupo de concellos correspondente ao eixe 1, ten concedida unha subvención de 50.000 €

    Como concello da Rede Ágora, promovida e coordinada pola Deputación de Pontevedra a través da súa área de Mobilidade Alternativa e Espazos Públicos Urbanos, o Concello de Mondariz vén de recibir unha subvención de 50.000 € para a redacción dun proxecto de mobilidade amable e recuperación de espazos públicos no seu centro urbano.

    Ágora é unha rede de acción institucional a prol de considerar e valorizar o espazo público como un dereito fundamental da cidadanía. No seu decálogo de principios considera que o espazo público é un dereito e que as persoas son a prioridade; ademais, apoia a mobilidade inclusiva, a autonomía infantil, as mobilidades alternativas, os espazos seguros, o hábitat saudable, os espazos amables e de calidade, a actividade económica de proximidade, e a mobilidade sustentable. O Concello de Mondariz foi un dos primeiros concellos da provincia que se adheriu a esta iniciativa da Deputación de Pontevedra a finais de 2020. Desde entón, os seus representantes públicos teñen participado asiduamente nos seminarios de formación da Faculdade Ágora.

    “O proxecto de mobilidade urbana e recuperación do espazo público aínda está por definir, pero afectará ao núcleo urbano de Mondariz e seguramente previrá actuacións graduais. A fase de redacción do proxecto é a primeira e unha das máis importantes, polo seu carácter estratéxico”, indica o alcalde de Mondariz, Xosé Emilio Barros.

    Un dos obxectivos manifestos da Rede Ágora é que, en xuño de 2023, os concellos participantes (actualmente 50 dos 62 concellos da provincia) incrementen de forma substancial o espazo reservado para as persoas, con itinerarios peonís e ciclables.

    “Somos conscientes de que as actuacións sobre o espazo público requiren de máximo consenso. Desde o Goberno municipal fomentaremos a transparencia informativa e a participación veciñal, como se vén facendo con outros asuntos de interese público”, afirma Barros.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS