8.7 C
Pontevedra
Xoves, 28 de Marzo de 2024
Máis
    HomeO CondadoMondarizA Festa dos Barrios e da Amizade de Vilar, nova festa gastronómica...

    A Festa dos Barrios e da Amizade de Vilar, nova festa gastronómica en Mondariz

    A programación de actividades socioculturais deste verán en Mondariz revela un maior protagonismo das asociación e dos colectivos veciñais. Entre os numerosos eventos organizados pola comunidade destaca a primeira edición da Festa dos Barrios e da Amizade de Vilar, que se presenta como unha noite de troula e foliada, con música folk e baile ao longo dun percorrido gastronómico por diversos barrios da parroquia. O 20 de agosto, desde as 20:00 ata as 02:00 horas, ofrecerase unha degustación itinerante de mexillóns, salpicón, lacón, xoubas, orella e callos. Para dar a coñecer esta particular festa, os organizadores realizarán unha presentación pública este sábado, 16 de xullo, a iso das 12:00 horas nos Xardíns do Concello. É de esperar que tamén haxa música e degustación gastronómica.

    “Iniciativas socioculturais como esta, que dinamizan a vida do rural e mesmo atraen a visitantes, teñen todo o apoio do Concello de Mondariz. A Festa dos Barrios e da Amizade está concebida como unha romaría gastronómica que promove a comunicación social. O concepto é moi atractivo”, indica Xosé Emilio Barros, alcalde de Mondariz e tamén concelleiro de Participación Veciñal.

    Ademais de contar coa colaboración do Concello de Mondariz, a Festa dos Barrios e da Amizade de Vilar está apoiada por Amigos de Portavilar e a Deputación de Pontevedra.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.