16.5 C
Pontevedra
Xoves, 24 de Xuño de 2021
Máis
    HomeO CondadoMondariz BalnearioSOS Fonte de Troncoso píde ao Concello de Mondariz Balneario e á...

    SOS Fonte de Troncoso píde ao Concello de Mondariz Balneario e á Xunta que eviten o derrubo do histórico ‘Chalé Villa Flora’

    Este edificio catalogado presenta unha cuberta gravemente deteriorada que pode provocar o seu colapso a curto prazo

    SOS Fonte de Troncoso, plataforma que comezou cunha actuación cinguida á Fonte de Troncoso propiamente dita reclamar, insistentemente, a recuperación deste elemento patrimonial do Balneario, pon o foco de atención sobre outro elemento catalogado que está a piques de derrubarse: o coñecido como Chalé Villa Flora.

    A Plataforma que, afortunadamente, amplia o seu ámbito de actuación á protección do patrimonio histórico do Balneario, lembra que segundo a lexislación vixente “corresponde á administración municipal a competencia para velar polo cumprimento dos deberes de conservación e rehabilitación, de acordo co artigo 13 da Lei 8/2012 de Vivenda de Galicia, así como as ordes de execución que obriguen as persoas propietarias de bens inmobles a realizaren as actuacións necesarias para dar cumprimento a este deber, de acordo co artigo 136 da Lei 2/2016 do Solo de Galicia”.

    O Hostal Villaflora é un edificio protexido que empezou a funcionar como hotel no ano 1923. Situado en Mondariz Balneario, forma parte do Catálogo de Bens Culturais de Galicia (clave 36031_37626 do Plan Básico Autonómico da Xunta de Galicia; DOG do 15.06.2020) así como do Catálogo do Proxecto de Ordenación do Medio Rural do concello de Mondariz Balneario (DOG nº 24 do 02.02.2001).

    Baixo estas premisas legais o pasado 1 de febreiro SOS Fonte de Troncoso rexistrou no Concello de Mondariz Balneario un escrito solicitándolle que “no ámbito das súas competencias, poña en marcha as medidas legais oportunas para evitar que se produza un dano grave e irreparable sobre este ben cultural catalogado protexido pola lei, tal e como xa aconteceu con outros bens culturais protexidos do municipio (o Hotel Avelino, o Hotel Roma, a Fonte de Troncoso), en particular obrigando á propiedade a rehabilitar a súa cuberta para evitar o colapso do edificio.”

    Silencio administrativo

    Desde que rexistramos o noso escrito hai agora tres meses, nunca obtivemos resposta do Concello, por isto agora decidimos dirixirnos á Consellería de Cultura da Xunta de Galicia, que ten competencias exclusivas en materia de protección do Patrimonio Cultural segundo o art. 27.18 do Estatuto de Autonomía. Queremos a Consellería actúe de forma urxente, esixindo o cumprimento da lei para evitar a perda doutro ben cultural –un edificio protexido– en Mondariz Balneario.

    A asociación recorda que o futuro de Mondariz Balneario “pasa, necesariamente, por coidar e recuperar o seu patrimonio histórico, velando de forma activa pola súa conservación e rehabilitación, tanto se se atopa en mans públicas como privadas”.

    COLABORACIÓNS

    Amandi, un tesoro en la Ribeira Sacra

    Hoy, en la nueva entrada de 'Cuando sube la marea', os comparto mi día de ruta por la Ribeira Sacra. ¡No os la podéis perder! Si en la anterior publicación os contaba que he nacido en Sober (Lugo), hoy os traigo un plan muy completo para conocer la zona y disfrutarla, si cabe, todavía más.

    Ponteareas, ciudad de 15 minutos

    El arquitecto franco-colombiano Carlos Moreno definió el concepto 'ciudad de 15 minutos' antes de la llegada de la pandemia, y Anne Hidalgo, alcaldesa de París, lo encontró tan atractivo que lo adoptó como modelo de desarrollo para su ciudad. Posteriormente otras ciudades importantes como Milán, Otawa, Copenhague o Barcelona han seguido la misma dirección, adaptando el modelo a sus realidades.

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Colaboradores

    Alberto Aliaga Sola
    6 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    2 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS