O Balneario de Mondariz acolle estes días a gravación de “La Caja de Arena” unha produción que se rodará entre maio e setembro de 2022 dividido en tres etapas. O Gran Hotel da vila termal, a Fonte de Gándara, os edificios do Balneario de Mondariz e os xardíns que rodean o complexo termal galego son protagonistas nesta rodaxe que trata a contorna natural como un personaxe máis d da historia. “La Caja de Arena”, consta dun período de pre produción de 6 meses onde alumnos e alumnas de Acting School Galicia traballaron nos seus personaxes como parte da formación do seu curso de interpretación 2022.
O mediometraxe profunda na psique humana e nos procesos cognitivos da mesma, analizando como a mente pode perderse entre realidades e non ser consciente do que sucede no mundo real, como sombras proxectadas sobre un lenzo. Fala da perda dun ser querido, a ira máis visceral e as complexas emocións do perdón.
Unha historia que traslada a acción á visita á vila termal dunha escritora de investigación, atormentada polo insomnio e a depresión e que leva meses obsesionada coa misteriosa desaparición dun adolescente. Agora unha nova testemuña accedeu a falar con ela.
“A Caixa de Area” é en definitiva unha viaxe fascinante entre Galicia e Illas Canarias por un carreiro nas profundidades da mente humana para esclarecer un enigma, e dar sentido a eses soños imposibles que nosa protagonista ten sobre o “mozo de vermello” e “a muller da tormenta”.
Alejandro Pacheco, fundador e profesor en Acting School e realizador en The Gallery Studio, produtora novel que xa conta no seu primeiro ano con grandes proxectos a nivel nacional entre os que destacan, é o responsable deste proxecto. Pacheco, autor de “Tesouro das Seis Caras”, unha longametraxe dispoñible en Flixolé/Prime Vídeo de Amazon, “Annie West”, unha serie de ficción en rodaxe e “A Lenda de Breogán” con colaboracións como as de Alfonso Agra, trata de potenciar con este novo traballo os valores cinematográficos galegos máis novos, Acting School Galicia é unha escola de actuación e interpretación de Vigo. Dentro da escola realizan diversas actividades cos seus alumnos. Nestes momentos están a traballar nunha película e 6 curtametraxes.
