13.2 C
Pontevedra
Mércores, 14 de Abril de 2021
More
    HomeO CondadoMondariz BalnearioA Valedora do Pobo diríxese ao xulgado para "evitar un dano irreparable"...

    A Valedora do Pobo diríxese ao xulgado para “evitar un dano irreparable” na Fonte de Troncoso de Mondariz Balneario

    María Dolores Fernández Galiño admite a queixa de SOS Fonte de Troncoso e solicita informes á Consellería de Cultura e ao Concello de Mondariz Balneario

    A Valedora do Pobo, María Dolores Fernández Galiño, vén de admitir a trámite unha queixa de SOS Fonte de Troncoso polo estado deste prezado manancial, obra do arquitecto Antonio Palacios. A Valedora entende que “reúne os requisitos formais recollidos no artigo 18 da Lei da Valedora do Pobo, e que atopa, en principio, cobertura constitucional derivada do artigo 103.1 da Constitución”.

    O edificio da Fonte de Troncoso, incluído no Catálogo do Patrimonio Cultural de Galicia está formado por dous volumes arquitectónicos, a fonte –un volume aberto– e as oficinas máis a antiga planta embotelladora. Esta última sufriu o colapso da cuberta en marzo de 2019, provocando o seu derrube máis a totalidade do piso elevado.

    Ambas administracións veñen de respostar á Valedora que a empresa Fuentes Capital S.A. propietaria deste ben catalogado cun grao de protección integral, atópase en proceso de liquidación polo Xulgado do Mercantil nº 5 de Madrid. Segundo o Concello de Mondariz Balneario esta administración fíxolle saber ao administrador concursal desta empresa que ten “un interese moi particular en facerse coa propiedade da Fonte de Troncoso”. Por ese motivo a administración manifestoulle ao administrador concursal que “o estado de deterioro no que se encontra a Fonte e se lle trasladou o malestar dos veciños xa que a mesma forma parte da identidade deste Concello. A idea que se lle trasladou foi que se lle adxudicara no procedemento concursal ou ben deforma gratuíta ao Concello.”

    Segundo o Concello, o 6 de outubro “o administrador concursal indica que o xulgado deu traslado da solicitude de adxudicación ás demais partes persoadas para manifestar o que ó seu dereito conveña, sen que houbera alegacións por ditas partes, polo que se está a espera da resolución do xuíz neste sentido”.

    Por todo isto a Valedora do Pobo conclúe: “Tendo en conta as particularidades deste caso, a urxencia de actuar para evitar un dano irreparable nun elemento cultural senlleiro e que no procedemento xudicial, no data 6 de outubro de 2020, a última comunicación do administrador concursal indica que o xulgado deu traslado da solicitude de adxudicación ás demais partes personadas para manifestar o que ó seu dereito conveña, sen que houbera alegacións por ditas partes, coa data de hoxe” (16.11.2020) “esta institución diríxese ao Xulgado do mercantil nº 5 de Madrid para recadar información sobre o estado do procedemento.”

    Obras de urxencia

    Tal e como recollen nos seus informes a Escola de Restauración de Bens Culturais de Galicia (04.11.2019), o Colexio de Arquitectos de Galicia (10.02.2020) e o Consello da Cultura Galega (18.06.2020) mentres non se pronuncie o Xulgado do Mercantil nº 5 de Madrid, o Concello de Mondariz Balneario e a Consellería de Cultura deberían acometer obras de urxencia para evitar que o edificio se siga deteriorando, nomeadamente, o selado das cabeceiras dos muros. Estas obras permitirían frear o deterioro que as chuvias do outono e do próximo inverno van provocar ao inmoble. A execución destas obras é compatible con calquera das decisións que tome o xuíz madrileño, tanto se falla que o edificio debe ser cedido ao concello como se non.

    SOS Fonte de Troncoso recorda que o futuro de Mondariz Balneario “pasa por coidar e mimar o seu patrimonio histórico, velando de forma activa pola súa conservación, tanto se se atopa en mans públicas como privadas”.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS
    Avatar
    1 POSTS0 COMMENTS