Logo das Asembleas Nacional e Comarcal, o BNG da localidade das Neves continúa co proceso de renovación de cargos nomeando a Óscar González coma o seu Responsable Local.
A decisión, acordada por unanimidade, tamén inclúe a Mónica Velasco coma responsable de finanzas, a Fernando Rodríguez coma responsable de Organización e a Rocío Barreiro encargada da área de comunicación. A renovada dirección encara agora un longo traballo de cara ás vindeiras eleccións municipais que terán lugar o próximo ano.
Recentemente, a localidade tivo un encontro coa nova Organización Comarcal, liderada por Mauro Chivite, para tratar asuntos propios da localidade e tamén sobre os concellos que conforman a entidade comarcal da organización.
