16.6 C
Pontevedra
Venres, 20 de Maio de 2022
Máis
    HomeO CondadoAs NevesCarmen Méndez busca nas Neves da man da Deputación, romper "o silencio...

    Carmen Méndez busca nas Neves da man da Deputación, romper “o silencio cotián” fronte á violencia de xénero

    O programa 'Mulleres en Acción. Violencia Zero' pasou polo concello do Condado con restricións de asistencia, pero retransmitido pola web e RRSS

    O programa provincial de concienciación contra as violencias machistas ‘Mulleres en Acción. Violencia Zero’ pasou polo Concello de As Neves, cunha performance a cargo da artista Carmen Méndez, quen baixo o título ‘Rompendo o silencio’ deu voz ás mulleres que sofren todo tipo de violencia psicolóxica. A representación celebrouse na Casa da Auga con restricións de asistencia por mor da pandemia e contou coa presentación da deputada Iria Lamas; o alcalde das Neves, Xosé Manuel Rodríguez Méndez e a concelleira de Cultura, Rocío Barreiro. O acto foi retransmitido pola web da Deputación e as RRSS para garantir a súa difusión.

    Carmen Méndez, actriz e enxeñeira química, puxo o foco na violencia psicolóxica ao considerala a máis perigosa a causa da súa “sutileza”, que non esperta as alarmas coa mesma intensidade. Coa súa peza pretende abrir os ollos a unha sociedade que garda silencio diante do machismo que latexa baixo todo tipo de situacións de convivencia e animar a rebelarse contra a desigualdade de xénero.

    A deputada provincial, Iria Lamas, afirmou que a COVID está no centro de tódalas conversacións, “e fai que esquezamos un pouco a situación das mulleres que sofren malos tratos”. “As medidas de confinamento causaron máis sufrimento porque as mulleres estiveron recluídas coa persoa que as maltrata” afirmou con contundencia Lamas, quen destacou que as estatísticas xudiciais da provincia de Pontevedra que veñen de facerse públicas non deixan lugar a dúbidas. Segundo estes datos, continuou, hai i177 denuncias ao mes só na nosa provincia “o que vén demostrar que queda moito por facer”. Lamas concluíu recalcando que a loita contra a violencia “é unha batalla do día a día e temos que facelo entre todos e todas, nunha labor conxunta”.

    Pola súa banda, a concelleira Rocío Barreiro destacou que é unha mágoa que un acto destas características se teña que celebrar en formato telemático. “Estamos agradecidísimos/as coa Deputación e a artista, e ogallá que algún día este tipo de accións non se teñan que levar a cabo porque a violencia de xénero xa non exista”.

    ‘Rompendo o silencio’ é unha performance de corte teatral, que nace para dar visibilidade a situacións normalizadas, pero que non son “normais”. Inspirada en testemuños reais da contorna próxima á artista, Méndez representa situacións de violencia cotián que as mulleres sofren no seu propio pel. Para conseguilo, Carmen Méndez reinventa a unha muller que estoura globos ou prende candeas por cada reproche machista. Na súa peza para ‘Mulleres en Acción. Violencia Zero’ denuncia o control telefónico que exerce un rapaz sobre a súa moza ou o silencio que vive unha muller adulta, que vive submisa e con medo baixo a “autoridade” do seu marido controlador.

    ‘Mulleres en Acción. Violencia Zero’ ten por obxectivo darlle visibilidade á loita contra as violencias machistas, así como dar a coñecer o labor de novas artistas que están a traballar a prol da igualdade. Nun momento no que non se pode tolerar un paso atrás nesta loita, este programa vólvese unha actuación máis urxente e necesaria se cabe para constituír un apoio real ás creadoras e unha aposta pola sensibilización. Para o que resta de 2021 ‘Mulleres en Acción. Violencia Zero’ contará con outras 19 actividades, das que dúas serán performances; dúas, intervencións murais, catro, accións de danza contemporánea; cinco, accións escénicas, cinco, musicais e, finalmente, unha acción poética.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS