12 C
Pontevedra
Venres, 29 de Marzo de 2024
Máis
    HomeO CondadoAs NevesAs obras da Escola Infantil de Taboexa, As Neves, estarán rematadas este...

    As obras da Escola Infantil de Taboexa, As Neves, estarán rematadas este mesmo mes

    A Concellería de Educación de As Neves agarda rematar este mes as obras de Escola de Educación Infantil de Taboexa,  no que aumentou o número de alumnas e alumnos, na que xa fora instalada a nova calefacción –que leva semanas en funcionamento– e se habilitase a segunda aula, logo de realizar un investimento de 1.500 €.

    Coma sinala a concelleira de Educación, Pilar González Casas, xa se retiraron as reixas que ‘afeaban’ o edificio, a reforma do patio está acabada e recuperouse o soportal e nuns días tamén estará rematado o ‘areeiro’, no que as nenas e nenos poden xogar, especialmente os días nos que a choiva impide que o usen o patio.

    Estes traballos súmanse aos de rehabilitación, aviado e instalación do parque da Escola de Educación Infantil de Rubiós, que abrangueron a reposición, reparación e revisión de pezas, pintado de estruturas, recuperación da varanda e substitución de táboas rotas, ademais de aviar os soportais exteriores e substituír as pezas dos baños, por un importe total de 4.186,60€.

    O parque, situado a carón da nova Casa da Música, ademais está aberto para uso de todas as veciñas e veciños da parroquia e o Concello xa ten orzamento para a habilitación dun novo ‘patio interior’ na propia escola.

    Galiña Azul

    Os traballos para situar o novo centro na antiga casa do conserxe do Colexio Marquesa do Pazo da Merced están moi adiantados e se agarda que estean rematados en poucas semanas de xeito que as rapazas e rapaces poidan trasladarse axiña.

    Esta nova escola, prevista para acoller, en principio a 20 nenas en nenos, terá unha superficie de máis de 160 metros cadrados, disporá dunha parcela de máis de 400 e estará cofinanciada pola Xunta de Galicia. O custo total da mesma será duns 300.000€ dos que a administración galega aportará 225.000, o 75 %, e o Concello de As Neves o restante 25 % (75.000 euros). 

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.