12 C
Pontevedra
Venres, 29 de Marzo de 2024
Máis
    HomeLouriñaSalceda de CaselasUn incendio obriga a evacuar a unha muller por mor dunha crise...

    Un incendio obriga a evacuar a unha muller por mor dunha crise nerviosa

    Os servizos sanitarios de urxencia atenderon a unha muller asustada por un incendio declarado na súa propiedade, no lugar da Revolta, en Salceda de Caselas.

    A señora tivo que ser evacuada ao Centro de Saúde do Porriño, mentres que os bombeiros fixeron fronte a un lume que arrasou un pendello e un coche.

    A alerta no 112 Galicia preto das oito da tarde de onte permitiu activar un operativo para sufocar un incendio que comezou nun alboio. No interior, gardaban un vehículo e tamén madeira e apeiros de labranza. Todo foi devorado polas chamas sen que ninguén resultase afectado, agás a muller de avanzada idade que sufriu unha crise nerviosa. Por iso, acudiron os profesionais de Urxencias Sanitarias de Galicia-061, ademáis dos Bombeiros do Baixo Miño e Ponteareas para a extinción dun lume con bastantes danos materiais.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.