O Concello de Salceda iniciou o proceso de licitación para o uso privativo da cantina do campo do Penedo Redondo, mediante un procedemento aberto de licitación.
Esta cantina dotada de mobiliario para a súa explotación, atópase dentro das instalacións de titularidade municipal, que foron reformadas e melloradas coa súa ampliación, para poder atender á demanda crecente das persoas usuarias.
As persoas interesadas poderán acceder ao prego de Claúsulas Administrativas Particulares, no Perfil do contratante da Plataforma de Contratos Públicos de Galicia na dirección https://www.contratosdegalicia.gal.
O prazo de presentación de proposicións será de quince días naturais, contados dende o día seguinte ao 9 de novembro de 2022, día no que se realizou a publicación do anuncio de licitación no perfil do contratante de dita plataforma.
Así mesmo a presentación de proposicións so poderá realizarse de forma electrónica, a través da URL do Sistema de Licitación Electrónica da Xunta de Galicia (SILEX) na seguinte dirección web: https://silex.conselleriadefacenda.es/SLE_Internet/.
