15.8 C
Pontevedra
Venres, 19 de Agosto de 2022
Máis
    HomeLouriñaSalceda de CaselasSalceda presenta o seu Nadal con máis de vinte actividades para todos...

    Salceda presenta o seu Nadal con máis de vinte actividades para todos os públicos

    A terceira edición do Pequeno Circo de Nadal, convertido xa nun referente na contorna será o prato forte da programación cultural

    A Casa da Cultura Castelao acolleu esta mañá a presentación da programación de Nadal do Concello de Salceda de Caselas, e que contará con máis de 20 actividades coordinadas pola Concellería de Cultura que dirixe Alex Rodríguez Canosa, orientadas a todos os públicos mais principalmente ao público infantil.

    A decidida aposta por unha programación de calidade nos últimos anos fixo que o Nadal de Salceda sexa xa un referente na contorna. Así, o prato forte será a terceira edición do festival Pequeno Circo de Nadal, que conta coa dirección artística de Nelson Quinteiro. Este ano, o festival desenvolverase en catro xornadas, do 27 ao 30 de decembro, e contará con novidades respecto ás edicións pasadas. Por unha banda, apóstase pola diversificación, incluíndo actividades en horario de mañá e tarde. Por outra banda, este ano o grande protagonismo correrá a cargo de propostas en feminino, como o espectáculo de Lydia Botana ou os contacontos de Érica González, armadanzas dos Contos do Titiribaile. Coas habituais medidas anti COVID19, pero sen perder un ápice de toda a maxia, a cor, a ilusión e a enerxía que caracteriza estas datas, e que fai, por uns días, que os habitantes máis baixiños de Salceda sexan os auténticos e auténticas protagonistas.

    Logo dun ano no que se tiveron que cancelar citas ineludibles do calendario, este ano voltan con forza varias das actividades que caracterizan o Nadal de Salceda. Deste xeito, a Banda Cultural de Salceda voltará a deleitar ao público co seu concerto de Nadal, e a San Silvestre Solidaria cumprirá a súa décima edición percorrendo as rúas do centro da vila chea de cor e ledicia.

    Outra das citas que volven será o III Encontro de Ranchos Tradicionais, que xuntará na Praza do Concello a cinco agrupacións tradicionais, resaltando a importancia que ten para Salceda a recuperación destes elementos do noso patrimonio inmaterial.

    Tamén o comercio local participa nestas datas coa participación no concurso de escaparates organizado dende o Concello, e que se desenvolve do 15 ao 31 de decembro, e coas Badaladas de Noitevella, organizadas por Acisa e polo propio Concello, e que contarán con actuacións musicais e as típicas uvas da sorte, nun acto presentado pola peña Jolgorrio.

    A programación complétase tamén cun Obradoiro de Casas de Xenxibre, que fará as delicias dos máis pequenos e pequenas, e con dúas citas do motor; a papanoelada moteira e a Concentración de Vehículos Clásicos Franceses.

    O Concelleiro de Cultura quixo tamén mencionar o alumeado de Nadal, deseñado en conxunto coa Asociación de Comerciantes, que enche as rúas de Salceda cun deseño elegante e sobrio, de cores cálidas, e que un ano máis, foi instalado por unha empresa local. Antes de rematar tampouco se quixo esquecer de agradecer a todos os colectivos que fan que o Nadal de Salceda sexa tan especial. Sen esquecerse dos empregados e técnicos municipais e da Policía Local e os voluntarios e voluntarias de Protección Civil.

    Alex Rodríguez Canosa, Concelleiro de Cultura: “O Nadal é xa un referente en Salceda e dende o Concello continuamos apostando por unha cultura segura, nunha programación moi ambiciosa para un concello do noso tamaño. Este ano ademais estamos moi contentos de recuperar actividades que se tiveron que cancelar pola pandemia, e que fan que son unha mostra do dinamismo do noso concello”.

    Verónica Tourón, Alcaldesa de Salceda: “Queremos devolver a ilusión do Nadal ás nosas prazas e rúas, cunha programación da que poidan desfrutar todos os públicos, coa peculiaridade de que os eventos realizaranse en espazos abertos debido a situación actual. Este é un bo momento para achegarse e gozar de Salceda ”

    PROGRAMACIÓN NADAL 2021/2022

    • III Concurso de escaparates de Nadal. Do 15 ao 31 de decembro.

    Sábado 18 de decembro

    • 18.00 Audición da Escola de Música de Salceda.
    • 19.30 Badaladas Pre Noitevella.

    Domingo 19 de decembro

    • 16.00 Papanoelada Moteira
    • 19.00 Concerto de Nadal, Banda Cultural de Salceda.

    Mércores 22 de decembro

    • 13.00 Visita do Apalpador
    • 16.00 Obradoiro de Casiñas de Xenxibre.

    Xoves 23 de decembro

    • 16.00 Obradoiro de Casiñas de Xenxibre

    Domingo 26 de decembro

    • 15.00 Concentración de Vehículos Clásicos Franceses.
    • 16.00 III Encontro de Ranchos Tradicionais
      • Canto de Reis do Serán
      • Ranchiño de Reis da AC A Feira
      • Rancho de Reis das Cortellas, Ponteareas
      • Rancho da Asociación Casco Vello de Vigo
      • Rancho de Entroido da AC A Feira

    Luns 27 de decembro

    • Pequeno Circo de Nadal 2021
      • 11:30 h Obradoiro de movemento, ximnasia de Nadal e flashmob de Nadal cos Trasnos de Nadal e OneTake Films.
      • 13:00 h Espectáculo de rúa. A CAIXIÑA DOS TRASNOS DE NADAL
      • 18:00 h Tardes de Nadal. LYDIA BOTANA. DE AQUÍ PARA ALÁ

    Martes 28 de decembro

    • Pequeno Circo de Nadal
      • o   11:00 h Obradoiro de canto e panxoliñas cos Trasnos de Nadal. Actividade con distancia física e aforo aberto por orde de chegada sen necesidade de inscripción.
      • 12:30 h Almorzos con contos. ÉRICA GONZÁLEZ. OS CONTOS DO TITIRIBAILE
      • 18:00 h Tardes de Nadal. Moc Moc Espectáculos. O AXUDANTE DE PAPÁ NOEL

    Mércores 29 de decembro

    • Pequeno Circo de Nadal
      • 18.00. OS TRASNOS DE NADAL. Espectáculo de Nadal

    Xoves 30 de decembro

    • Pequeno Circo de Nadal
      • 12.30. BARULLO. Espectáculo musical infantil.
      • 18.00. Sesión de flocos de Nadal, coa proxección de clásicos de Nadal, e o filme LAST CHRISTMAS

    Xoves 30 de decembro

    • 21.30 X San Silvestre Solidaria.

    Domingo 2 de xaneiro

    • Tren de Nadal

    Mércores 5 de xaneiro

    • 17.00 Cabalgata de Reis

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS