13.2 C
Pontevedra
Venres, 22 de Outubro de 2021
Máis
    HomeLouriñaSalceda de CaselasSalceda de Caselas lanza a campaña “Sen Clientes non Hai Explotación” contra...

    Salceda de Caselas lanza a campaña “Sen Clientes non Hai Explotación” contra a prostitución e a explotación sexual

    A través da área de Igualdade que dirixe Loli Castiñeira, o Concello de Salceda ven de impulsar a Campaña “Sen Clientes non Hai Explotación”, unha acción de sensibilización cidadá contra a prostitución e a explotación sexual, que pon a lupa nos clientes e consumidores de prostitución e aborda a realidade desta gravísima violación dos dereitos humanos, que constitúe unha forma de violencia contra as mulleres. Pagar a cambio de sexo perpetúa esta violencia.

    A campaña desenvolverase a partir de hoxe 23 de setembro, data conmemorativa do Día Internacional Contra a Explotación Sexual e o Tráfico de Mulleres, Nenas e Nenos. Conta con cartaces e postais que se repartirán por toda a vila e que inclúen o lema da campaña “Sen Clientes Non Hai Explotación” e aporta datos sobre esta forma de escravitude en pleno século XXI. Castiñeira destacou que a campaña quere ter un amplo percorrido nas redes sociais e por elo empregaranse os hashtags #SalcedacontraaTrata #SalcedacoasVítimas e #SenClientesNonHaiExplotación.

    A maioría das mulleres prostituídas son vítimas de trata e explotación sexual que están controladas por bandas mafiosas. A trata afecta a todos os países, sexa como lugar de orixe, tránsito ou destino das propias vítimas que son principalmente mulleres e nenas. Ademais, lémbrase no material gráfico que España é o primeiro país de Europa en consumo de prostitución e o terceiro a nivel mundial.

    No marco da Campaña celebrarase unha mesa redonda ao redor deste tema e que contará, entre outras, con Mº Xosé Queizán, escritora e activista abolicionista galega. Neste debate o Concello busca a aistencia e participación de mulleres e homes da vila que queiran acudir o mércores 29 de setembro ás 18:00 h.

    A campaña, incluída no Programa DIANA do Concello de Salceda, está financiada pola Deputación de Pontevedra e é a primeira vez que se desenvolve en Salceda, que ademais sitúase como un dos concellos de Galicia que conmemorará esta data.

    Loli Castiñeira quixo lembrar tamén que esta campaña está contemplada como unha das 63 medidas do II Plan de Igualdade de Oportunidades de Salceda de Caselas, aprobado por unanimidade de todas as forzas políticas no pleno.

    Verónica Tourón, alcaldesa de Salceda declarou que “a prostitución é un tipo de violencia contra as mulleres que dende as administracións temos a obriga de erradicar”.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS