O PSdeG-PSOE de Salceda de Caselas propón rehabilitar a antiga Cámara Agraria para crear un espazo común para que a mocidade de Salceda de Caselas poida desenvolver diferentes actividades. A antiga Cámara Agraria converterase na Casa da Xuventude que Salceda necesita, un espazo para que a mocidade poida desenvolver a súa creatividade dunha forma lúdica sempre asociada á practica de hábitos saudables e positivos entre as mozas e mozos.
Para dotar de contidos este novo espazo os socialistas e as socialistas de Salceda propoñen tamén un programa de Dinamización Xuvenil con actividades e celebración de eventos ben definido para que a oferta lúdica para a mocidade sexa variada e constante no tempo.
Dentro deste programa inclúense actividades e eventos para “gamers”, actividades relacionadas coa cinema ou con diferentes formas de expresión artística como a pintura, a escultura, a fotografía ou o deseño gráfico. Tamén haberá espazo para por en marcha un club de lectura plurilingüe.
Verónica Tourón. “A importancia da mocidade como motor de cambio para o noso concello indícanos que debemos propor alternativas de ocio que lles permitan gozar de Salceda sen ten que marchar a outros lugares. Poderán acceder a unha oferta cultural e de ocio que recolla as súas inquedanzas e as novas formas de convivencia creativa e expresión artística que son propias da súa idade”
