8.5 C
Pontevedra
Venres, 29 de Marzo de 2024
Máis
    HomeLouriñaO PorriñoSete axentes da Policía Local do Porriño reciben a medalla ao mérito...

    Sete axentes da Policía Local do Porriño reciben a medalla ao mérito policial

    Sete axentes da Policía Local do Porriño recibiron onte a Medalla ao Mérito Policial en recoñecemento ás actuacións excepcionais en acto de servizo pola súa intervención na explosión da pirotecnia da parroquia tudense de Paramos, en maio do ano 2018, na que faleceron dúas persoas e provocou numerosos danos persoais.

    O inspector xefe, Daniel Rodríguez, os axentes Brais Roca, Benjamín Blanco, Francisco Javier Rodríguez e Sergio García, e os oficiais Antonio Pereira, Adolfo Suárez, recibiron o máximo recoñecemento nun acto celebrado na Academia Galega de Seguridade.

    O alcalde, Alejandro Lorenzo, puxo en valor o “labor fundamental que desenvolven os nosos axentes da Policía Local, traballando sempre en primeira fila e estando aí sempre que se lles necesita. Eles son esa man que se tende nos momentos máis duros, como o que aconteceu en Paramos. A nosa admiración a todos eles”.

    Estes sete axentes acudiron ao municipio veciño tras a explosión de Paramos tan pronto se recibiu a alerta do 112 para cooperar nas primeiras tarefas de asistencia aos feridos, revisar as vivendas afectadas pola deflagración e axudar na evacuación dos feridos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.