10.2 C
Pontevedra
Venres, 29 de Marzo de 2024
Máis
    HomeLouriñaO PorriñoO Porriño ampliará o seu punto limpo

    O Porriño ampliará o seu punto limpo

    O Concello do Porriño proxecta a ampliación do punto limpo municipal, sito no polígono industrial de A Granxa. A actuación requerirá unha inversión de 144.000 euros, dos cales 129.000 euros serán asumidos pola consellería de Medio Ambiente, Territorio e Vivenda da Xunta de Galicia que vén de conceder á entidade local unha subvención por este importe no marco das axudas a actuacións en materia de recollida de residuos especiais.

    “O obxectivo deste proxecto é duplicar a capacidade actual do punto limpo, mellorando así a xestión dos residuos especiais de competencia municipal, ademais de permitir asumir posibles residuos que sexan autorizados no futuro”, explicou a concelleira de Medio Ambiente e Urbanismo, Antía Carrera.

     Para iso ampliarase a superficie a 2000 m2 na cara norte, ao que habería que sumar outros 300 m2 para un novo acceso de vehículos desde a vía pública. Deste xeito, por unha banda quedaría liberado o espacio ocupado actualmente por contedores nas plataformas de circulación, facilitándose así as manobras dos vehículos pesados e por outra banda podería aumentarse aproximadamente ao dobre a capacidade de residuos a tratar ou almacenar.

    Neste novo espacio construiríase tamén unha ampliación da plataforma elevada e construiríase tamén unha nova plataforma inferior de manobras aumentando o volumen almacenable actual de residuos xa autorizados e para a recolllida futura de novos tipos de residuos.

    “Trátase dunha actuación importante que permitirá mellorar a eficacia na xestión dos resíduos, á vez que se incentiva a reciclaxe e se evita o verquido incontrolado de certos residuos”, concluíu o alcalde, Alejandro Lorenzo, “As instalacións que proxectamos permitirán duplicar o volumen de residuos que se recollen e catalogan para poder xestionalos de maneira responsable e respectuosa co medio”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.