17.9 C
Pontevedra
Martes, 16 de Xullo de 2024
Máis
    HomeLouriñaO PorriñoO Porriño abre un novo prazo para a solicitude de composteiros individuais

    O Porriño abre un novo prazo para a solicitude de composteiros individuais

    O concelleiro de Medio Ambiente do Concello do Porriño, Sergio Casal, vén de informar a todos os veciños e veciñas da apertura dun novo prazo de presentación de solicitudes as persoas interesadas en recibir un composteiro individual para vivendas unifamiliares. As solicitudes rechéanse e se entregan no Rexistro Xeral do Concello.

    Nas mesmas hai que facer constar un enderezo de correo electrónico e un teléfono de contacto. Estes datos son necesarios para que, posteriormente, o Concello porriñés poida convocalos á reunión no Multiúsos de Torneiro onde se distribuirán os composteiros.

    Reunión no Multiúsos de Torneiros na que se explicou á veciñanza o uso dos composteiros individuais

    Nesa reunión, como acontecera o pasado 21 de novembro, mestres composteiros do Plan Revitaliza da Deputación de Pontevedra, explicarán como se realiza a montaxe dos composteiros que entregan embalados e como debe realizarse a compostaxe dos residuos orgánicos.

    A idea do Concelleiro de Medio Ambiente é que durante o mes de febreiro teña lugar a convocatoria aos e ás solicitantes e que se proceda ao reparto de composteiros.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.