28.5 C
Pontevedra
Sábado, 28 de Maio de 2022
Máis
    HomeLouriñaO PorriñoO Pan do Porriño recibe a aprobación como Marca Española pola Oficina...

    O Pan do Porriño recibe a aprobación como Marca Española pola Oficina Española de Patentes e Marcas

    A Asociación de Panadeiros do Porriño ven de acadar, tras un longo período de tramitación, a consecución por parte da Oficina Española de Patentes e Marcas, dependente do Ministerio de Industria, Comercio y Turismo, do rexistro como “Marca Española”. Trátase do primeiro recoñecemento oficial da tradición histórica da elaboración de pan no Porriño e do seu carácter, convertindose con elo, nun pan cunha protección propia.

    Os panadeiros do Porriño consideran que o recoñecemento como un éxito colectivo, xa que “levábamos moitos anos traballando en potenciar e mellorar a imaxe do Pan do Porriño” e “este recoñecemento como Marca Española, é o primeiro paso para un impulso e difusión maior.
    Un pouco de historia e recoñecementos”, en palabras do seu presidente Jose Manuel Fernandez.

    Un pouco de historia

    A tradición histórica do Pan do Porriño comeza a ser recopilada en 1604, data na que se ten constancia da primeira referencia escrita do “Pan Trigo” do Porriño, realizada polo rioxano frei Anastasio de Lobera: “Pero el pan trigo que se gasta cozido sin comparación ecede a lo muy escogido de otras partes, siendo pocas en España las que pueden competir con lo de Orense, Tui, Lugo, el Porriño y otros lugares donde se vende”, o que acredita que se trata dun dos pans con maior antigüidade de Galicia e España. Esta tradición previa foi confirmada pola ubicación no Porriño da “Real Panificadora” que por motivos estratéxicos ubicouse no Porriño e non en Tuy e posteriormente, pola sona que adquiriu, unha vez desaparecida esta, polos moitos obradoiros artesáns que sobreviviron e que posteriormente serviu para surtir de pan a todas a tropas francesas da comarca do sur de Pontevedra durante a Guerra de Independencia, tamén coñecido como “pan de munición”. A tradición prosperou con moitos obradoiros ata actualidade, onde se produce un proceso de modernización pero sen perder a súa elaboración artesanal.

    nte a necesidade de protexer o pan do Porriño fronte a outras alternativas máis industriais, no ano 2005, a Concellería de Comercio de Porriño que naquel intre xestionaba o concelleiro D. Nicolás Iván Vaqueiro Gradín, impulsou a creación da Asociación de Panadeiros do Porriño, integrada por 9 panaderías, que comezou a reivindicar a tradición panadeira. No ano 2015, dende o Concello do Porriño, tanto a Alcaldía do Porriño como a concellería de Comercio do Porriño dirixida por D.Marcelino Coto Troncoso, impulsaron co apoio da Asociación de Comerciantes do Porriño (ACIPOR) a posta en marcha da Iº Feira do Pan do Porriño, que contribuiu decisivamente a dar un pulo no coñecemento a nivel galego e estatal do Pan do Porriño e a impulsar o rexistro da marca Pan do Porriño. Dende entón, os recoñecementos non paran de chegar. Dúas panaderías porriñesas foron escollidas entre as 80 máis importantes de España segundo a revista Panatics e outro panadeiro porriñés acadou o prestixioso galardón  “A Miga de Ouro” premio galego que certifica o mellor pan de Galicia. A Feira do Pan vai caminos de tentar converterse no evento de referencia e capital galega do Pan, que na última edición contou coa participación de pans convidados galegos e portugueses.

    Unha tarefa complicada

    Os panadeiros do Porriño afirman que o trámite legal foi complexo debido á oposición da Xunta de Galicia, que alegou ata dúas veces, o rexistro da marca. Segundo os panadeiros, esta oposición da Xunta débese a que dende o principio, se lles transmitiu que todos os pans de Galicia deberían aherirse á IXP Pan Galego. Os panadeiros, tras analizar o regulamento desta IXP afirmaron que non tería problema en valorar esta opción, pero o proceso de elaboración do Pan do Porriño non encaixaba, alomenos na actualidad, nas características dos pans amparados por esa IXP xa que modificaría a sua actual elaboración obrigándo a aumentar a hidratación e as fariñas da súa elaboración, feito que os panadeiros non estaban dispostos a asumir. Por iso, a asociación comezou no ano 2019 un segundo intento de rexistrar a marca Pan do Porriño, que recibiu unha nova alegación da Xunta de Galicia. Tras presentar un recurso ben funamentado, a Oficina Española de Patentes e Marcas, aceptou a alegación e permitiu rexistrar a marca a nivel nacional. “Non temos ningún ánimo crítico contra a Xunta de Galicia por estas alegacións. Entendemos que é o seu papel, pero teñen que entender que cada pan ten a súa personalidade e a IXP Pan Galego, tal e como está actualmente, non ten un encaixe claro para nós, e o “Pan do Porriño” precisaba de xeito urxente, unha figura de protección xurídica, Esta Marca é un primeiro paso, pero estamos desexando poder retomar o contacto coa Consellería de Medio Rural”, afirman dende a Asociación de Panadeiros.

    Futuro do Pan do Porriño

    En tempos de COVID, a promoción e expansión que o “Pan do Porriño”experimentou nos últimos anos, tivo que paralizarse debido á imposibilidade de realizar a Feira do Pan e otras actividades previstas, como asistencias a Feiras a nivel galego ou nacional, pero dende a Asocaición de Panadeiros, agardan que agora, co espaldarazo do rexistro da Marca Española “Pan do Porriño”, se abra novas oportunidades e agardan pedir o apoio das administracións para lograr que un dos pans máis importantes de Galicia, logre o prestixio que merece.

    “Esta noticia é unha gran alegría para todas as panaderías que integran a asociacion de panadeiros. Levamos dende o ano 2005 loitando por un recoñecemento e este é un primeiro paso. Queremos agradecer a todos os que axudaron a este primeiro paso, dende os concelleiros Iván Vaqueiro, Marcelino Coto, á Alcaldía do Porriño e especialmente a ACIPOR, este primer éxito. Queremos que o Pan do Porriño esté nas principais feiras como FITUR, GOURMETS, Xantar,…porque é un pan de unha altísima calidade e queremos seguir mellorando como marca sen descartar a medio prazo voltar a falar coa Xunta de Galicia e a súa IXP oiu iniciar un trámite propio para unha nova IXP ou figura de recoñecemento e nivel europeo”.

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS