Policía Local e Garda Civil detiveron a un home de 51 anos, veciño do Porriño, por presunto delito de violencia de xénero. A vítima, a súa muller de 53 anos, presentaba un forte golpe na cabeza e ingresou no Hospital Alvaro Cunqueiro, en Vigo cun traumatismo cranial.
Os feitos aconteceron na pasada madrugada. Ás 4:10 horas da madrugada de hoxe, a Policía Local recibiu unha chamada que avisaba de que unha muller estaba a ser agredida pola súa parella no domicilio común, nunha parroquia do concello do Porriño.
A intervención conxunta de Policía Local e Garda Civil acadou auxiliar á vítima e deter ao agresor que foi trasladado ás dependencias da Benemérita para a instrución das dilixencias e posta a disposición xudicial.
