7.6 C
Pontevedra
Venres, 29 de Marzo de 2024
Máis
    HomeLouriñaO PorriñoCatro podios nunha intensa fin de semana de ponte

    Catro podios nunha intensa fin de semana de ponte

    A escola de ciclismo Avanza fixo fronte a unha intensa fin de semana de ponte, participando nas distintas probas que se levaron a cabo na fin de semana.  Unha pequena delegación desprazábase a primeiras horas da mañá do venres desde as instalación de Tramo Libre camiño da Comunitat Valenciá para disputar dúas xornadas de ciclocross.

    Na xornada do sábado unha representación de catro corredores, Uxía Soto, André Martínez, ambos da categoría “cadete”, David Fernández “sub23” e na categoría “elite” Luís Fernández, acudía o concello valenciano de Aiacor para participar na VII CICLO-CROSS AIACOR 2020 na que Uxía conseguía o primeiro podio da fin de semana o subir o mais alto do podio.

    Na xornada do domingo desprazáronse ata a localidade de Sueca onde a representación da A.D. Avanza xa contou con mais representantes o incorporarse para participar na primeira proba de copa de España Aroa Otero, Noe Pérez, Martín Sestelo e Marta Estévez. Para primeira proba da Copa de España presentaba un circuíto polvoriñento que o igual que o día anterior en Aiacor de velocidade con largas rectas e viraxes de 180° que obrigada os riders a poñer a proba as súa destreza para afrontar eses cambios de ritmo brutais. A primeira hora da mañá na categoría cadete André Martínez conseguía entrar na terceira posición, acto seguido a categoría cadete fémina cos tres representantes brindaron un gran espectáculo, a pesar de que se lle escapou a primeira posición os integrantes da escola si estiveron presentes con Uxía Soto que conseguía entrar en segunda posición a tan só dez segundos da primeira posición, para a terceira posición Aroa Otero conseguía descolgarse das súas rivais na última volta entrando na terceira posición conseguindo o terceiro podio do día para a escola de ciclismo Avanza. Tamén compre destacar o traballo realizado por Marta Estévez que conseguía rematar en sexta posición rematando as tres integrantes da escola na categoría no top ten. Na categoría Sub 23 David Fernández conseguía entrar no top ten o entrar décimo e na categoría Elite luís Fernández “Oli” remataba decimo cuarto.

    Na xornada do luns e devolta en Galicia a A.D. Avanza estaba representada por sete riders das categoría cadete e Júnior no Campionato Galego de CRI que se celebrou na vila Ourensá de Baños de Molgas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.