28.4 C
Pontevedra
Luns, 22 de Xullo de 2024
Máis
    HomeLouriñaO PorriñoArranca no Porriño unha exposición para a concienciación sobre o cambio climático...

    Arranca no Porriño unha exposición para a concienciación sobre o cambio climático nas emerxencias

    O Porriño acolle a primeira das exposicións itinerantes organizadas pola AXEGA que terán lugar na área transfronteiriza para concienciar á poboación ante as emerxencias derivadas do cambio climático e dos desastres naturais.

    O alcalde do Porriño, Alejandro Lorenzo, xunto coa Directora de Calidade Ambiental, Sagrario Pérez, e o xerente da Axencia Galega de Emerxencias (AXEGA), Marcos Araújo, presentaron esta mañá a mostra enmarcada dentro do proxecto de Protección Transfronteiriza de Emerxencias dirixido á poboación da Eurorrexión Galicia-Norte de Portugal (PROTEMPO). As exhibicións teñen como obxectivo promover a concienciación sobre o cambio climático e a prevención e xestión de riscos, así como aumentar a resiliencia territorial ante os perigos naturais nas zonas de fronteira.

    A do Porriño está instalada no centro cultural e estará dispoñible para toda a poboación durante seis días. A continuación, será posible achegarse a coñecer os avances do proxecto e o contido do diverso material multidisciplinar interactivo nas poboacións de Salvaterra, As Neves, Ponteareas e Tomiño.

    Mediante o proxecto PROTEMPO, a AXEGA pretende reforzar a transferencia de coñecementos aos grupos de poboación máis vulnerables, os nenos e as persoas maiores, co fin de que sexan conscientes e teñan capacidade para actuar ante os riscos de emerxencias relacionados co cambio climático, cada vez máis frecuentes e de maior virulencia, para conseguir un incremento da eficacia na prevención, mediante campañas e accións de capacitación cara ao público obxectivo con menor coñecemento sobre como protexerse ante as distintas situacións de emerxencia climática.

    Ademais, a finalidade da Comunidade Autónoma de Galicia, a través da AXEGA, é incrementar a rapidez e a eficacia de resposta dos efectivos de emerxencias, e a súa coordinación coa cidadanía, ante os desastres naturais.

    Co proxecto PROTEMPO, que comezou no ano 2011 como Ariem112 e despois como ARIEM PLUS, dótase de medios aos diferentes servizos de emerxencias, realízanse simulacros para perfeccionar a coordinación entre as distintas institucións ante unha catástrofe natural e tamén levase a cabo a difusión de material de auto protección a través das distintas canles informativas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.