Xoves, 13 Febreiro de 2025

Alberto Abalde elixe O Porriño para poñerse en forma antes de incorporarse ao Real Madrid

O baloncestista galego Alberto Abalde comezou onte no Porriño, no Polideportivo Municipal, a súa preparación previa a incorporarse á disciplina do Real Madrid. Abalde, xunto co seu adestrador persoal, realizou diversas sesións de exercicios de mantemento e tandas de tiros a canasta.

Abalde elixiu O Porriño polas xestións realizadas por Julio Bernárdez, ex-baloncestista e xefe do Servizo de Deportes do Concello, e atendendo á invitación que lle fixo David Alonso, concelleiro de Deportes que acudiu esta mañá a darlle a benvida ao Pavillón.

Abalde, alero de 2.02 metros de estatura e internacional coa selección española, estará tres dias máis adestrando pola súa conta na nosa vila antes de viaxar a Madrid para iniciar a pretempada co equipo merengue.