18.5 C
Pontevedra
Luns, 16 de Maio de 2022
Máis
    HomeLouriñaO PorriñoA Xunta destaca o labor do centro tecnolóxico Aimen como un aliado...

    A Xunta destaca o labor do centro tecnolóxico Aimen como un aliado dos principais sectores industrais de Galicia

    O vicepresidente económico e conselleiro de Economía, Empresa e Innovación, Francisco Conde, visitou onte no Porriño o centro tecnolóxico Aimen, a cuxa directiva e traballadores agradeceu que compartan coa Administración autonómica a filosofía de colaborar para innovar; converténdose nun aliado estratéxico dos principais sectores industriais de Galicia, entre os que sinalou a automoción, o naval, o aeronáutico, o enerxético e o metalúrxico; e sendo un puntal clave para a transformación dixital da industria galega.

    Durante a visita, Conde salientou o traballo que Aimen vén desenvolvendo como centro tecnolóxico de referencia a nivel nacional e europeo en tecnoloxías de procesado láser e no eido da fábrica intelixente. Así, no período 2014-2022, Aimen participou en 76 proxectos internacionais, liderando 24 deles, e poñendo Galicia no mapa europeo da innovación.

    Ademais, Aimen é un dos cinco centros tecnolóxicos de toda España que máis destaca pola súa participación no programa marco de I+D+i da Unión Europea Horizonte 2020 (H2020). En concreto, no total de participantes españois, é a décima entidade que lidera máis proxectos, e é a segunda entidade galega das que se presentou a este programa que colabora cun maior número de actividades, en concreto 56, só por detrás da Universidade de Santiago, con 91.

    En xeral, o balance do que supuxo a participación de Galicia no Horizonte 2020 é moi positivo. O retorno xerado foi de 191 millóns de euros, que representan un 120% máis que no anterior programa marco de I+D+i, e que sitúa como a Comunidade como a sétima a nivel nacional, acaparando Aimen o 16% dese retorno. No que respecta ao nivel de participación, cómpre salientar que das 155 entidades galegas que se presentaron, 100 eran pemes. E no tocante ás actividades lideradas por pequenas e medianas empresas, crece tres puntos, do 25% ao 28%.

    Aimen é o centro tecnolóxico decano de Galicia que converte a Comunidade en referentes no campo dos materiais e tecnoloxías de fabricación avanzada. Nos últimos dez anos este centro, que conta con preto de 270 traballadores, desenvolveu 690 proxectos de I+D+i. Entre eles, destaca a participación activa nos diferentes programas da Xunta de Galicia, colaborando con Stellantis no programa Facendo 4.0, no eido do vehículo autónomo e conectado, nun proxecto que mobiliza 22,3 millóns de euros; con GKN, nunha Unidade mixta que conta cun orzamento de 2,5 millóns de euros, centrada tamén no sector da automoción; e tamén participa no Hub de Innovación Dixital impulsado por Ceaga, Aclunaga, Clusaga e o Clúster TIC.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS