12.8 C
Pontevedra
Domingo, 27 de Novembro de 2022
Máis
    HomeLouriñaO PorriñoA aula UNED do Porriño a piques de abrir as súas portas

    A aula UNED do Porriño a piques de abrir as súas portas

    A aula UNED do Porriño xa é unha realidade e abrirá as súas portas nos próximos días. O alcalde do Porriño, Alejandro Lorenzo, e o director do campus noroeste e centro asociado da UNED en Pontevedra, Víctor González,  asinaron o convenio para o inicio da actividade desta sede universitaria no municipio o presente curso 2022/2023. Convenio que foi ratificado esta mesma semana pola Xunta Rectora da Universidade Nacional de Educación a Distancia.

    As novas instalacións da UNED no Porriño están ubicadas na primeira planta do Multiusos de Torneiros, aglutinando en seis aulas todas as actividades.

    Dende que no ano 2017 se anunciara a posta en marcha desta sede universitaria no municipio, tras un acordo plenario unánime para solicitar a súa apertura, non se fixera realidade ao non aportar o Concello as instalacións requeridas.  No ano 2020 o goberno municipal, e tras un ano de abonar aluguer, afrontou un desembolso de máis de preto de 300.000 euros na adquisición dun local que requería unha dotación económica a maiores de 250.000 euros para acondicionalo, algo que non permitiu poñer en marcha a aula UNED ao non ser o lugar adecuado e que, a día de hoxe, permanece lóbrego.

    Cabe destacar que a actual ubicación no Multicentro de Torneiros foi proposta en pleno por aquel entonces polo hoxe alcalde, Alejandro Lorenzo, e desestimada polo anterior goberno municipal alegando que a UNED non aprobaba esa ubicación. Hoxe é unha realidade.

    “A apertura destas instalacións no Porriño non podía dilatarse máis tempo por falta de xestión, trátase de permitir á nosa veciñanza acceder á educación superior sen ter que saír do seu pobo e que poida ampliar a súa formación, coa flexibilidade que a universidade a distancia permite pero contando cun equipo importante de persoas que os acompañen no proceso formativo”, explicou o alcalde, Alejandro Lorenzo. O rexedor puxo en valor a boa disposición “da UNED para a apertura da súa sede no Porriño” e tamén o traballo da concelleira de Educación, Carolina González, que “dende un principio priorizou esta xestión para que puidera estar en marcha este curso”.

    Lorenzo reitera a súa aposta e a do seu equipo pola educación. “Se algo teño claro é que a nosa veciñanza debe contar coas mesmas opcións que a das grandes cidades e cunha oferta formativa de calidade en todas as etapas educativas, dende os máis pequenos aos maiores que queiran seguir formándose”, explicou, “Por iso non escatimarei xamais neste eido”.

    Responde o rexedor con feitos ás informacións verquidas recentemente acusando ao goberno municipal de gastar en festas a partida da UNED. “Eu débome á veciñanza e non vou dar xogo xamais a acusacións infundadas e interesadas”, asegurou, “Os feitos falan por si mesmos e con feitos, sen alimentar polémicas e confrontacións, responderei aos meus veciños e veciñas”.

    Cabe destacar que nos últimos anos a partida de educación da Aula UNED foi destinada a través de modificacións de crédito a festexos, e o proxecto quedou parado ata este ano. “Eu non vou malgastar nin un só euro de cuestións tan vitais como a educación ou atención social”, concluíu o rexedor, “A veciñanza ten que saber que o groso da partida de festas a destinamos a licitar servizos de vital importancia nos centros educativos, piscina municipal e limpeza xa que, traballamos cun orzamento de 2018, con partidas xenéricas e vinculadas que imos xestionando para dar resposta ás necesidades reais. En definitiva, cadramos as contas con xestión para salvar a falta de medios e responder ás necesidades da veciñanza do Porriño”.

    Pola súa banda, a concelleira de Educación, Carolina González, destacou que “a apertura destas instalacións é un gran logro para O Porriño no ámbito educativo, xa que a nosa veciñanza dispoñerá no noso concello de todos os niveis para alcanzar unha formación plena sen necesidade de trasladarse a outros destinos. É unha gran oportunidade para as persoas que por diferentes motivos non puideran ir á universidade. Agora poderán facelo no seu pobo”. Nos próximos días farase pública a oferta educativa da Aula UNED do Porriño que ademais de cursos de formación e capacitación, servizos de titoría de grados ou biblioteca, contemplará o curso de acceso á universidade a maiores de 25 anos. Na súa páxina web colgarase a semana que vén a oferta formativa da Universidade a Distancia no Porriño.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS